வசூலில் சாதனை படைக்கும்~2012' தொடர்பான ஊகங்கள்

இன்று உலகத்திரையரங்குகளில் வெற்றிகரமாக ஓடிக்கொ ண்டிருக்கும் திரைப்படத்தின் தமிழாக்கம் ‘2012 ருத்ரம்’ ஆகும். இத்திரைப்படம் வெளியான பின்னர் மக்கள் மனதில் எழும் பொதுவான கேள்வி 2012 இல் உலகம் அழியுமா? என்பதே!

இத்திரைப்படத்தின் கருப்பொருள் குறித்து யாரும் அதிகம் சிந்திப்பதில்லை. ஆனால் இக்கருப்பொருள் மிகவும் சுவாரசியமானது. தென்னமெரிக்காவின் ஆதி நாகரிகங்களுள் ஒன்றான மாயா நாகரிகத்தைச் சேர்ந்த மக்களின் நாட்காட்டியை ஆய்வு செய்து பார் த்த போதே 2012 ஆம் ஆண்டு டிசெ ம்பர் 21 ஆம் திகதி உலகம் அழியப் போவது எதிர்வு கூறப்பட்டுள்ளதாகத் தகவல் வெளியாகி யுள்ளது.

மாயா மக்கள் இற்றைக்கு ஐயாயி ரம் ஆண்டுகளுக்கு முன்னரே சூரியத் தொகுதி பற்றியும் அதனது சுழற்சிகள் பற்றியும் நன்கு அறிந்திருந்தனர். மாயர்களைப் பொறுத்த வரையில் எண்களினடிப்படை யிலேயே யாவும் கணிக்கப்படுகின்றன. அத்துடன் சூரியனை அடிப்படையாகக் கொண்டே கணிப்புகள் மேற் கொள்ளப்பட்டுள்ளன.

நட்சத்திர மண்டலத்தின் ஒரு நாள் எனப்படுவது, பூமியைப் பொறுத்தவரையில் 25,625 வருடங்களாகும். மாயர்களின் நாட்காட்டி இதனை 5 காலகட்டங்களாகப் பிரிக்கிறது.

இப்போது நாம் இந்த ஐந்தாவது காலகட்டத்தின் இறுதிப் பகுதியினுள் காலடியெடுத்து வைத்திருக்கின்றோம். 2012, டிசெம்பர் 21 ஆம் திகதியின் பின்னர் புதியதோர் யுகத்தினுள் மனித சமூகம் காலடி பதிக்குமென மாயர்கள் எதிர்வு கூறுகின்றனர். சூரியனானது நட்சத்திர மண்டலத்தின் மையப்பகுதியால் புதுப்பிக்கப்படுவதாகவும், இச்செயற்பாடு 5125 வருடங்களுக்கொருமுறை நடைபெறுமெனவும் அவர்கள் கணித்துள்ளனர்.

அவர்களின் கணிப்பின்படி 2012 இலும் இத்தகையதொரு செயற்பாடு நடைபெறுமெனவும், அதன் காரணமாக புவியின் காந்தப்புலங்களிலும் குறிப் பிடத்தக்க மாற்றங்கள் ஏற்படுமெனவும் மாயர்களின் நாட்காட்டியை மேற்கோள் காட்டிப் பல ஆய்வுகள் குறிப்பிடுகின்றன.

அந்நாட்காட்டியின் எதிர்வு கூறலி னடிப்படையில், இன்னும் புரியாத புதிராகக் காணப்படும் கரும் ஈர்ப்புமையம் (black hole) மற்றும் சூரியன், பூமி ஆகிய மூன்றும் ஒரே நேர்கோட்டில் சந்திக்கவுள்ளன.

கரும் ஈர்ப்புமையம் எனப்படுவது உயர் அடர்த்தியுடைய திண்மச் செறிவு ஆகும். அது உயர் ஈர்ப்பு சக்தியையுடைய கரிய பொருளாகக் காணப்படும். அண்டவெளியிலே காணப்படும் கோள்களும் நட்சத்திரங்களும் தமது சக்தியை இழந்தபின்னர் அத்திண்மச்செறிவினால் ஈர்க்கப்படும்.

விண்ணிலே செலுத்தப்படும் விண்வெளிக்கப்பல் கூடத் தனது பாதை மாறி, கருங்குழியொன்றினால் ஈர்க்கப்பட்டால் அது மீளத்திரும்பாது. இந்த கரும் ஈர்ப்புமையங்களின் ஈர்ப்புசக்தி காலத்துடன் அதிகரித்தபடியே இருக்கும்.

உயர் ஈர்ப்புசக்தியுடைய இத்தகைய கரும் ஈர்ப்புமையங்களுள் ஒன்றும் சூரியன், மற்றும் புவி ஆகியன ஒரே நேர்கோட்டில் வரும் போது கரும் ஈர்ப்புமையத்தின் காந்த மற்றும் ஈர்ப்பு விசைகளால் புவியும் சூரியனும் வெகுவாகப் பாதிக்கப்படலாமென விஞ்ஞானிகள் சம்பந்தப்படாத ஆய்வுகள் எதிர்வு கூறுகின்றன.

சூரியனில் ஏற்படும் மாற்றங்கள் சூரிய நிலநடுக்கத்தைத் தோற்றுவிக்கும் வாய்ப்புகளும் உண்டெனக் கூறப்படுகிறது. அத்துடன் காந்தவிசைகளின் தாக்கத்தால் பூமியின் துருவங்கள் இடம் மாறலா மெனவும், அதனால் பாரியளவிலான நிலநடுக்கங்கள், ஆழிப்பேரலைகள், எரிமலை வெடிப்புகள் போன்ற அனர்த்தங்கள் இடம்பெறலாமெனவும் கூறப்படுகிறது.

துருவங்களின் இடப்பெயர்ச்சி யானது விஞ்ஞானிகளால் ஏற்று க்கொள்ளப்பட்ட விடயமாகவிரு ந்தாலும், 2012 இல் நிகழுமா வென்பது கேள்விக் குறியாகவே யிருக்கின்றது.

சூரியனின் காந்தப்புலத்தில் ஏற்படும் மாற்றம் காரணமாக ஒவ்வொரு 5125 வருடங்களுக்கொருமுறையும் புவியின் சுழற்சியில் மாற்றம் ஏற்படுமென மாயர்கள் நம்பினர். இந்தக் கொள்கை யினடிப்படையில் அவர்கள் தமது நாட்காட்டியைத் தயாரித்தனர். அந்நாட்காட்டி, கி.மு. 3113 தொடக்கம் கி.பி. 2012 வரையான 5125 வருடங்களைக் கொண்டது.

1992 - 2000 வரையான காலப்பகுதியில் மனிதன் பல முன்னேற்றங்களைக் காண்பானெனவும், பிரபஞ்சம் பற்றிய ஆய்வுகளை மேற்கொள்வானெனவும் பூமி சரியாகப் பாதுகாக்கப்படாமல் விடப்பட்டு பல இயற்கை அனர்த்தங்கள் உருவாகலாமெனவும் எதிர்வு கூறினர்.

இவர்கள் சூரிய கிரகணங்களை மிகவும் துல்லியமாக எதிர்வு கூறியிருக்கின்றார்கள். கடந்த காலங்களில் இடம்பெற்ற, தற்போது இடம்பெறும் சடுதியான அனர்த்தங்களும், ஏனைய சூழல் பிரச்சினைகளும் அவர்களது எதிர்வுகூறலை உண்மையாக்கி விடுமோ என்றும் எண்ணத்தோன்றுகிறது.

புவியிலிருந்து 50 மில்லியன் மைல் களுக்குமப்பால், கோள் -கீ எனப் பெயரிடப்பட்ட புதிய கோளொன்றை 1983 ஆம் ஆண்டு நாசா அனுப்பிய விசேட வானியல் செய்மதி புகைப்படமெடுத்தது. 2008 ஆம் ஆண்டு கோள் - கீ இனை ஜப்பான் புகைப்படமெடுத்ததன் மூலம் நாசாவின் புகைப்படத்தை உறுதி செய்தது.

2011 அளவில் பூமியிலுள்ளோருக்கு இரண்டு சூரியன்கள் இருப்பது போல கோள் - கீ தென்படுமெனவும் எதிர்வு கூறப்படுகிறது. இந்நிகழ்வு கூடப் புவியில் மாற்றத்தை ஏற்படுத்தலாமெனச் சில ஆய்வாளர்கள் தெரிவிக்கின்றனர்.

மத்திய காலத்தில் வாழ்ந்த எதிர்வுகூறல் வல்லுநரான நொஸ்ராடமஸ் முதல் நவீன விஞ்ஞான ஆய்வாளர்கள் வரை இனி வரும் காலங்களில் பூமியில் எதிர்பாராத மாற்றங்கள் உருவாகலாமென எதிர்வு கூறுகின்றனர்.

பூமியில் நடைபெற்ற பல நிகழ்வுகளை நொஸ்ட்ராடமஸ் எதிர்வு கூறியிருந்தார். அவற்றில் பல மிகவும் ஜிxலியமான வையாகக் காணப்பட்டன.

09/11 தாக்குதல் எனப்படும் அமெரிக்காவின் இரட்டைக்கோபுரங்கள் மீதான தாக்குதலை குறிப்புகளால் எதிர்வு கூறியிருந்தார். அத்தாக்குதல் நடந்த பின்னர், இணையத்தில் மிகவும் அதிகளவில் தேடப்பட்ட விடயமாக இவரது எதிர்வு கூறல்களே காணப் பட்டன. ஹிட்லர், நெப்போலியன் போன்றோரின் ஆதிக்கம், வீழ்ச்சி, மற்றும் ஏனைய பல வரலாற்று நிகழ் வுகளையும் எதிர்வு கூறியிருந்தார். இவரும் கி.பி. 2012 அளவில் உலகம் பெரிய மாற்றங்களை எதிர்நோக்குமென எதிர்வு கூறகின்றார்.

இ-சிங் எனப்படும் பண்டைய சீன சோதிட முறைமை எதிர் காலத்தை எதிர்வுகூறும் வழிகாட்டியாகக் காணப்படுகிறது.

நாணயங்க ளையோ அல்லது சிறிய தண்டுக ளையோ சுண்டு வதன் மூலம் 6 கோடுகள் வரையப் படும். அவை தடித்த கோடுகளா கவோ அல்லது முறிந்த கோடுகளா கவோ காணப் படும். அவை இரண்டை அடியாகக் கொண்ட எண்முறையைச் சார்ந்த அளவையியலை அடிப்படையாகக் கொண்டவை. ஒவ்வொரு கோடுகளுக்கும் சாத்தியமான நான்கு பெறுமானங்கள் உள்ளன.

அந்த எதிர்வுகூறல் முறைமையானது கணித ரீதியிலான கோலமொன்றை வெளிக்காட்டுவதாக அறியப்பட்டது. இதனை காலத்துடன் ஒப்பிட்டு வரைவு படுத்துகையில் உயர்வுகளையும் தாழ்வுகளையுமுடைய வரைபொன்று பெறப்பட்டது.

வரைபின் உயர்வுகளுக்குரிய காலங்கள், வரலாற்றிலே நாகரிங்களும் அரசுகளும் உச்சத்திலிருந்த காலங்களாகவும் வரைபின் தாழ்வுகளுக்குரிய காலங்கள், வரலாற்றில் அனர்த்தங்கள் நிகழ்ந்த நாகரிகங்கள் மற்றும் அரசுகள் வீழ்ச்சியடைந்த காலங்களாகக் காணப்பட்டன. அவ்வரைபில் கி.பி. 2012 ஆம் ஆண்டும் அத்தகையதோர் தாழ்வை வரைபு காட்டுவதுடன், அவ்வாண்டோடு அந்தக் காலக்கோடும் முடிவடைகிறது.

கலியுகம் ஆரம்பித்து 5000 வருடங்களின் பின்னர் சுவர்ண யுகமொன்று தோன்றுமெனவும் அது 10,000 வருடங்களுக்கு நிலைக்குமெனவும் கிருஷ்ண பகவான் கங்காதேவிக்குக் கூறியதாக பிரம்மவைவர்த்த புராணத்தில் குறிப்பிடப்படுவதாக இந்துக்கள் கூறுகின்றனர். மாயர்களைப் பொறுத்தவரையில் 5 வது காலகட்டம் கி.மு. 3114 இல் ஆரம்பித்தது. இந்துக்களைப் பொறுத்தவரையில் கலியுகம் கி.மு. 3102 இல் ஆரம்பித்தது.

மாயர்களும் இந்துக்களும் தமக்குள் எந்தவித நேரடித் தொடர்புகளுமில்லாமலே 2012 ஆம் ஆண்டு ஒரு புதிய உலகு உருவாகுமென்பதை எதிர்வு கூறியுள்ளனர். கலியுகம் இப்படித்தான் இருக்குமென இந்து மதம் கூறுகிறது. கலியுகத்திலே மக்கள் கோபத்தையும் பொறாமையையும் ஒருவருக்கொருவர் வெளிப்படையாகவே காட்டத் தலைப்படுவர்.

போலி விஞ்ஞானங்களை நம்புவர். சொன்ன சொல்லைக் காப்பாற்றுமியல்பு அற்றுவிடும். பல வழிகளிலும் துஷ்பிரயோகங்கள் இடம்பெறும். உண்மை, தன் மதிப்பை இழக்கும் துரோகத்தனங்கள் மலிந்து காணப்படும். தர்மம் உதாசீனப்படுத்தப்படும். மது மற்றும் போதை மருந்துகள் மனிதனில் ஆதிக்கம் செலுத்தும், மனித மனம் கட்டுப்படுத்தப்பட முடியாததாகும். இவையாவுமே கலியுகத்தின் வெளிப்பாடுகளாகக் குறிப்பிடப்படுகின்றன.

2012 ஆம் ஆண்டளவில் மலரப் போகும் சுவர்ணயுகமானது, மனிதம் நிறைந்த, நீதிமிக்க, நியாயமான உலகைத் தோற்றுவிக்குமென எதிர்வு கூறப்படுகிறது. இக்காலத்தில் உலகம் புதுவித மாற்றத்துக்குட்படுமெனவும் பணம் தனது மதிப்பை இழக்குமெனவும் இனவேறுபாடுகள் அழிந்து மனிதம் ஒளிர்வு பெறுமெனவும் தெரிவிக்கின்றனர்.

இவர்கள் யாவருமே மாற்றம் நடைபெறும் காலத்தை வரையறுத்துக் கூறாவிடினும், ஊகங்களின் பின்னணியில் ஆழ்ந்த கருத்தொன்றை விட்டுச் சென்றிருக்கின்றனர்.

அவர்களது கணிப்பின் படி, மனித சமுதாயம் தொழில்நுட்பம், பணம் யாவற்றையும் மீறிய ஞான மொன்றை அடையுமென எதிர்பார்க்கலாம்.

நாசா விஞ்ஞானிகளுட்பட பல விஞ்ஞானிகள் 2012 இல் உலகம் அழிந்து போவதற்கான சாத்தியக் கூறுகளெதுவுமில்லையெனத் தெரிவிக்கின்றனர். இத்தனை வசதி வாய்ப்புகளையும் ஆராய்ச்சிக்கான வழிவகைகளையும் ஏற்படுத்தித்தந்த நவீன விஞ்ஞானத்துக்கு என்றும் நன்றி கூறக் கடமைப்பட் டுள்ளோம்.


2012 நவம்பர் 13 ஆம் திகதி நடக்கவிருக்கும் சூரிய கிரகணத்தை எம்மால் மிகவும் துல்லியமாகக் கணக்கிட முடியும். ஆனால் உலகம் முடிவுக்கு வரு கிறது. எனும் விடயம் தொடர்பாக விஞ் ஞானத்தால் உதவி புரிய முடி யாது.

யாவற்றுக்கும் மேலாக ‘உலகம் அழியப்போகிறது’ அல்லது ‘உலகத்தின் முடிவு’ எனும் பதங்களின் உண்மை விளக்கத்தை நாம் விளங்கிக்கொள்ள வேண்டும். அவை, ஒரே தடவையில் முழு உலகுமே அழிக்கப்பட்டு விடும் எனும் பொருளைத் தரமாட்டா. எம்முன்னோர்களும் அத்தகையதொரு கருத்தைச் சொல்ல வரவில்லை. 2012 ஆம் ஆண்டின் இறுதிக் கட்டம் தொடர்பாக அவர்களால் எதிர்வு கூறப்பட்ட விடயங்களை அவர்கள் எமக்கு விடுக்கும் எச்சரிக்கையாகவும் கருத முடியும்.

ஒன்றுடனொன்று தொடர்புபடாத பல சமூகங்கள் ஒரே செய்தியைப் பல்வேறு வகையில் குறிப்புணர்த்தியுள்ளனவென்பது மறுக்கப்பட முடியாத உண்மையாகும். இந்த விடயம் தொடர்பாக வீணே பயந்து, காலத்தை அநியாயமாகக் கழிப்பவர்களும் இருக்கத்தான் செய்கிறார்கள்.

பேரழிவொன்று நிகழ்ந்தால், அதனைச் செவ்வனே எதிர்கொள்ளக்கூடிய வகையிலான அனர்த்த முகாமைத்துவ, மனிதாபிமான, ஒருங்கிணைப்புப் பணிகளை முன்னெடுக்கக் கூடிய வகையில் அரசுகள் தயாராக வேண்டுமென விஞ்ஞானிகள் அறிவுறுத்துகின்றனர்.

பூமிக்கும் பூமிக்குச் சமீபமாகவுள்ள பொருட்களுக்குமிடையில் மோதல் நடக்கும் சாத்தியக்கூறுகள் தொடர்பாக ஆராய 2000 ஆம் ஆண்டளவில் பிரித்தானிய அரசு ஒரு ஆணைக்குழுவை அமைத்தது. அவ்வாணைக்குழுவின் கருத்துப்படி, பூமியுடன் பிறபொருளொன்று மோதுவதற்கான வாய்ப்பானது, ஒரு அதிர்ஷ்டலாபச் சீட்டை வெல்லும் வாய்ப்பை விட 750 மடங்கு அதிகமெனக் கணக்கிடப்படுகிறது.

அத்தகைய பொருட்கள் புவியில் மோதினால், பேரழிவுகள் தவிர்க்க முடியாததாகி விடும். 65 மில்லியன் வருடங்களுக்கு முன் அத்தகையதொரு பேரழிவு நிகழ்ந்ததனால்தான் டைனசோர் இனம் அழிந்ததாகக் கருதப்படுகிறது.

கனரி தீவுகளிலுள்ள எரிமலை வெடித்தால் சுனாமி போன்ற பாரிய அனர்த்தங்கள் ஏற்படலாமென எரிமலை ஆய்வு வல்லுநர்கள் தெரிவிக்கின்றனர். சில தீவுகளிலுள்ள எரிமலைகள் வெடித்தால் பல மில்லியன் தொன்கள் நிறைவுடைய பாறாங்கற்கள் சமுத்திரத்தினுள் வீசப்படுவதால், சமுத்திர நீர்மட்டம் பல நூற்றுக்கணக்கான அடிகள் உயருமென எதிர்பார்க்கப்படுகிறது.

இங்ஙனம் உயரும் அலை கரையை அடைகையில், ஏறத்தாழ 100 அடி உயரம் வரை எழுவதால், கரையினுள்ளே 12 மைல் தூரம் செல்லுமெனவும் கூறப்படுகிறது. கடந்த 5 வருடங்களின் முன்னர், நாம் எதிர்கொண்ட சுனாமி அனர்த்தம் கூட, பூமிக்கு அடியிலுள்ள தட்டுக்களில் ஏற்பட்ட நடுக்கத்தால் உருவானதேயாகும்.

சில எரிமலைகள் வெடிப்பதால் சாம்பல், தூசுக்கள் மற்றும் கந்தகவீரொட்சைட் வாயு ஆகியன வளிமண்டலத்துக்கு வெளிவிடப்படும். இது நீண்டகாலம் நிலைக்கக்கூடிய குளிர்ந்த அலையைத் தோற்றுவிக்கக்கூடியது. இச்செயற்பாடு /யிரினங்களையும் தாவரங்களையும் அழியும் நிலைக்கு இட்டுச் செல்லுமென எதிர்வு கூறப்படுகிறது.

இவை தவிர, காலநிலை மாற்றம் தொடர்பான விடயங்களும் சூழல் மாசடைதல் பிரச்சினைகளும் கூடப் பாரியளவிலான எதிர்பார்க்கப்படாத விளைவுகளை ஏற்படுத்துமென எதிர்பார்க்கப்படுகிறது.


2012 தொடர்பான ஊகங்கள் வர்த்தக ரீதியாகப் பெரும் வரவேற்பைப் பெற்றுள்ளன. இவ்விடயம் தொடர்பாகத் திரையிடப்பட்ட திரைப்படங்களும், வெளியிடப்பட்ட புத்தகங்களும் வசூலில் சாதனை படைக்கின்றன. அவற்றில் பெரும்பாலானவை இவ்வூகங்களை அடிப்படையாகக் கொண்ட புனைகதைகளாகக் காணப்படுகின்றன. அவை மக்கள் மத்தியில் புதிய ஊகங்களை உருவாக்கவும் தவறுவதில்லை.

இவையாவற்றுக்கும் மேலாக நாம் ஒவ்வொருவரும் தனிமனிதனாக எடுக்கும் முடிவுகளே ஒட்டுமொத்தமாக மீண்டும் எம்மைத் தாக்குகின்றனவென்பது மறுக்கமுடியாத உண்மையாகும். பழிக்குப் பழியெனப் பழிவாங்கும் உணர்வு, வெறுப்புணர்வு, இயற்கையை அழித்தல் மற்றும் போட்டி மனப்பாங்கு போன்ற பல எண்ணங்களாலும் செயற்பாடுகளாலும் நாமே எமது அழிவுக்கான நாளைக் குறித்துக்கொண்டவர்களாகிறோம்.

இன்று டைனசோர்களைப் பற்றி நாம் கதைப்பதைப் போல ஆதிக்கம் செய்து அழிந்துபோன மனித இனத்தைப் பற்றி நாளை இன்னொரு இனம் கதைக்கலாம்.

ஒருவரையொருவர் மனிதத்துடன் மதித்து, எமை வாழவைக்கும் பூமிக்கு எந்தவொரு தீங்கையுமிழைக்காது நன்றியுடன் வாழ்வோமாயின் சுபீட்சமான புதியதோர் உலகினுள் எம்மாலும் காலடி பதிக்க முடியும். பூமி, சூரியன் உட்பட, முழுப்பிரபஞ்சமுமே எமது முடிவுக்காகக் காத்திருக்கின்றது. இதுவே இன்றும் புதிராகக் காணப்படும் 2012 ஆம் ஆண்டு பற்றிய எதிர்வு கூறல்கள் சொல்லவரும் உண்மையாகும்.

உணர்வுகள் ஒன்றாகி 2012 இல் மனிதம் நிறைந்த புதியதோர் உலகில் காலடிவைக்க உறுதிகொள்வோமாக!

மனிதம் இருந்தால் மட்டுமே மனதை ஒருமைப்படுத்த முடியும்

சுவாமி விவேகானந்தரின் 147 ஆவது ஜனன தினம் இன்று

நீ எதை நினைக்கிறாயோ அதுவாகவே ஆகிறாய். நீ உன்னைப் பலவீனன் என நினைத்தால் பலவீனனாகவே ஆகிவிடுவாய். நீ உன்னை வலி மையுடையவன் என நினைத்தால் வலிமை படைத்தவனாகவே ஆகிவிடுவாய்’ என ஒரு வீரத்துறவி, அறியாமை இருளில் மூழ்கிக் கிடந்த பாரதத்தைத் தட்டியெழுப்பினார்.
மேலைத்தேய நாடுகளின் ஆதிக்கம் பல வழிகளிலும் மேலோங்கியிருந்த ஒரு காலப் பகுதியில், அமெரிக்காவின் சிக்காக்கோ நகரில், பல்லாயிரக் கணக்கான பார்வையாளர்களின் மத்தியில் ‘அமெரிக்க நாட்டுச் சகோதர சகோதரிகளே!’ என விளித்து, அவர்களனைவரையும் தம்பக்கமிழுத்து, இந்து சமயக் கொள்கைகளும் தத்துவங்களும் முழு உலகுக்குமே பரவுவதற்கு அதே துறவியே வழிவகுத்தார்.
வங்கதேசம் பெற்றெடுத்த முத்துக்களுள் ஒன்றாகத் திகழும் சுவாமி விவேகானந்தரே அந்த வீரத்துறவியாவார்.
தன்னுடைய போதனை, சிந் தனை, செயல் யாவற்றையுமே இந்து சமயமென்ற குறுகிய வட் டத்துக்குள் அடக்காமல் இந்து, கிறிஸ்தவம், இஸ்லாம், பெளத் தம் என்று எம்மதத்தைத் தழுவி யோரும் ஏற்றுப் பின்பற்றக்கூடிய வகையில், மனிதப் பிறவியெடுத்த எவருக்கும் பொருந்தக் கூடியதாக அமைந்திருந்தார்.
அவரது சொல்லும் செயலும் மனித குலத்தின் மேம்பாட் டையே குறிக்கோளாகக் கொண் டிருந்தன. தான், தனது இனம், தனது மொழி, தனது நாடு என்ற குறுகிய மனப்பாங்கை விடுத்து உலகம் முழுவதிலுமுள்ள மக்கள் அறியாமை இருளிலிருந்து மீண்டு உய்ய வேண்டுமென்ற நோக் கோடு தொழிற்பட்டார்.
கற்றோரால் மட்டுமே அறியக் கூடியதாகவும் பயன்பெறக் கூடிய தாகவுமிருந்த இந்துசமயக் கொள்கைகளையும் தத்துவங்க ளையும் பாமரரும் உணர்ந்து விளங்கிக் கொள்ளக்கூடிய வகையில் எளிமைப்படுத்தி விளக்கிய பெருமையும் விவேகானந்தரையே சாரும்.
கல்கத்தா நகரில் மிகவும் பிர பலமான சட்டத்தரணியாகவிருந்த விசுவநாத தத்தருக்கும் அவரது மனைவியான புவனேஸ்வரி தேவிக்கும் மகனாக 1863ஆம் ஆண்டு ஜனவரி 12 ஆம் திகதி குழந்தையொன்று அவதரித்தது. அக்குழந்தைக்கு ‘நரேந்திரன்’ எனப் பெயரிட்டு வளர்த்தனர்.
கங்கை ஆறு பெருக்கெடுத் தோடும் புனித நகரான கல்கத்தா விலே, காளி அன்னையை வழிப டும் ஒரு குடும்பத்திலே அவதரி த்த நரேந்திரன் மிகவும் துடிதுடிப் பான சிறுவனாக வளர்ந்தான்.
சிறுவனுக்கேயுரிய குறும்புத் தனங்கள் அவனிடம் சற்று அதிக மாகவே காணப்பட்ட போதும் இறைநாமத்தை உச்சாடனம் செய்து தியானத்தில் ஈடுபடுவதில் இயற்கையாகவே அவனுக்கு அதிக ஆர்வம் காணப்பட்டது. அனைவரும் அவனை ‘நரேன்’ எனச் செல்லமாக அழைப்பர்.
நரேன் கல்வி கற்கச் செல்லவில் லையெனினும் கல்வி அவனைத் தேடி வந்து அவனைச் சரணாகதி யடைந்ததென்றே கூற முடியும். புத்தகத்தை ஒருமுறை புரட்டிப் பார்த்தாலே அதிலுள்ள விடயங்களை மனதில் பதிக்கும் ஆற்றல் அவனுக்கு இருந்தது.
ஆரம்பகாலக் கல்வியை வீட்டி லேயே கற்று பின்னர் கல்கத்தா வில் பிரபலமான கல்லூரியொன் றில் கலைமாணிப் பட்டம் பெற் றான். நரேனிடம் இயற்கையா கவே மனித நேயம் குடிகொண்டி ருந்ததை அவனது வாழ்வில் நட ந்த சம்பவங்கள் சித்தரிக்கின்றன.
இளம் வயதிலேயே ஆன்மீகத்தில் அதிக நாட்டமிருந்தமையால், கடவுளை நேரில் காண வேண்டுமென்ற பேரார்வம் அவனிடம் இருந்தது.
பல ஞானிகளையும் மேதைக ளையும் அறிஞர்களையும் வினவி னான். அவனது கேள்விக்கு எவ ருமே விடையளிக்கவில்லை. கட வுளைக் காண முடியாத மதம் தனக்குத் தேவையில்லையென நரேன் எண்ணியவேளை, இராம கிருஷ்ண பரமஹம்சரைச் சந்தித் தான். ‘கடவுளைக் காண முடி யுமா?’ என்ற அவனது கேள்வி க்கும் விடை கிடைத்தது. ஐயம் தெளிந்தான்.
மீண்டும் மீண்டும் காளி அன்னையின் அருட் புனலி னால் ஆட்கொள்ளப்பட்டான். நரேந்திரனாகப் பரமஹம்சரிடம் வந்தவன் விவேகானந்தராகப் பரி ணமித்தான். ராமகிருஷ்ண பரமஹம்சரால் நேரடியாகப் பயிற்றுவிக்கப்பட்ட இளைஞர்க ளுள் நரேனில் ஞான ஒளி அதிக மாகவே ஒளிர்ந்தது. ராமகிருஷ் ணர் ஒரு தடவை, ‘நரேன்! என்னிடம் உள்ளதையெல்லாம் உன்னிடம் கொடுத்துவிட்டு ஏழையாகிவிட்டேன்’ என்று உரைத்திருக்கின்றார்.
1886ம் ஆண்டு ஸ்ரீராமகிருஷ் ணர், அன்னை காளியுடன் இரண் டறக் கலந்த பின்னர் விவேகானந்தரின் பொறுப்புக்கள் அதிகரித்தன.
ஒரு பரிவிராஜக சந்நியாசியாக இமயம் முதல் குமரிவரை இந் தியா முழுவதும் பயணித்தார். பல யோகிகளையும் சாதுக்களை யும் சந்தித்தார். அவர்களது அரு ளையும் புதுப்புது அனுபவங்களை யும் பெற்றார். ஆன்மீகத்தால் மேன் மேலும் மெருகூட்டப்பட்டார்.
1893இல் அமெரிக்காவின் சிக் காகோ நகரில் நடைபெற்ற மா நாட்டில் உரையாற்றி முழு உல கையுமே தன் பக்கம் திருப்பினார்.
அவரது கொள்கைகளால் ஈர்க்கப்பட்ட பலரும் சீடர்களாக மாறி, அவர் காட்டிய பாதையில் நடை பயின்றனர். சுவாமிஜியின் ஆன்மீகப் பணியும் ஆரம்பித்தது. துறவிகள் என்றால் தவம் செய்பவர்களென்ற எண்ணத்தை மாற்றியமைத்து மடங்களைத் தாபித்து படித்த இளைஞர்களை மடத்துறவிகளாக்கி மக்களிடையே கலக்கச் செய்தார்.
அதன் மூலம் அவர்களது அறிவு, அன்பு, ஆன்மிக அனுபவம் ஆகியன யாவும் சாதாரண மக்களை எளிதாகச் சென்றடைந்தன. சுவாமிஜியின் மேலைத் தேயச்சீடர்களால் அவரது பணிகளை முழு உலகுமே அறியத்தலைப்பட்டது.
நாடொன்றின் எதிர்காலம் இளைஞர்களின் கைகளிலே தங்கியிருப்பதை உணர்ந்து இளைஞர்களுக்கு அறைகூவல் விடுத்ததோடல்லாமல் அவர்களுக்கு முன்னோடியாகவும் திகழ்ந்தார்.
இளைஞர்களே நாட்டின் ஜீவ நாடியெனவும் உற்சாகமும் துடிப்பும் கொண்ட இருநூறு ஆண்களையும் பெண்களையும் தன்னிடம் ஒப்படைத்தால், நாட்டை வானோர்கள் வதியும் தேசமாக, இன்பப் பூஞ்சோலையாக மாற்றமுடியுமென்றார். 1902, ஜுலை மாதம் தனது 39ஆவது வயதில் மகா சமாதியடைந்தார்.
இன்றைய இளைஞர்கள் மத்தியில் ஆன்மிகம் எனப்படுவது வேடிக்கைக்கும் நகைச்சுவைக்குமுரிய விடயமாகக் காணப்படுகிறது. ஆன்மீகத்தால் ஈர்க்கப்படும் இளைஞர்களின் எண்ணிக்கை மிகக் குறைவானது.
ஆன்மிகம் தொடர்பான புரிதலின்மையே இந்நிலைக்கான அடிப்படைக் காரணியாகும். ஆன்மிகமானது எந்தவொரு எல்லைக்குள்ளும் உள்ளடக்கப்படாதது. மதங்கள் யாவற்றையும் கடந்து பரம்பொருளை அடைவதற்கான மார்க்கத்தை ஏற்படுத்தும் நிலையே ஆன்மிகம் ஆகும்.
அதற்கு ஆதியோ அந்தமோ அல்லது அதை அடக்கி ஆட்சி செய்ய மனிதரோ இல்லை. ஆன்மிகம் தொடர்பான சரியான வழிகாட்டல்களும் கருத்துக்களும் கிடைக்காததால் தான் இளைஞர்கள் ஆன்மிகத்தை நாடுவதில்லையோ என்றும் எண்ணத்தோன்றுகிறது.
தானங்களுள் உயர்ந்தது ஆத்மதானம். அதை அடுத்தது எழுத்தறிவிக்கும் வித்தியாதானம். அதை அடுத்தது உயிரைக் காப்பாற்றும் ஜீவதானம். இறுதியானதே அன்னதானம் என்கிறார் விவேகானந்தர்.

சமயம் என்பது ஒரு சமுதாய ஏற்பாடு மட்டுமே. உண்மை ஒன்றாக இருக்கின்ற போதிலும் மக்கள் தத்தமது மனப்பக்குவ நிலைகளுக்கேற்ப அதனைப் பலவாறாகப் பார்க்கின்றனர். இவ்வுண்மை எம்மில் பலருக்கு விளங்குவதில்லை.
காலையில் உதிக்கும் சூரியனின் கதிர்கள் எங்கும் வியாபித்திருப்பது போல ஆன்மிகமும் எங்கும், எல்லா உயிர்களிடத்திலும் வியாபித்துக் காணப்படுகின்றது. ஆனால் எல்லோரும் அதனை வெளிப்படுத்துவதில்லை. ஆன்மிகத்தில் ஈடுபடுதல் என்பது கோயிலுக்குச் செல்வதோ அல்லது குறிப்பிட்ட குரு ஒருவரைத் தேர்ந்தெடுத்து அவரிடம் பயில்வதோ அல்லது புத்தகங்கள் வாசிப்பதோ அல்ல.
உண்மையில் ஆன்மிகம் மனம் சார்ந்தது. எந்த மனிதன் மனிதத் தன்மையை அதிகமாகக் கொண்டிருக்கின்றானோ அவனே உண்மையான ஆன்மிகவாதியாகக் கருதப்படுகின்றான். அதையே விவேகானந்தரும் சமய சமரசத்தின் அடிநாதம் மனித நேயம் என்று கூறுகிறார்.
இன்று மத பேதங்களாலும் சுயநலத்தாலும் மனித நேயம் சிதைக்கப்பட்டுக் கொண்டிருக்கிறது. மனிதம் இருந்தால் மட்டுமே மனதை ஒரு நிலைப்படுத்த முடியும். குடும்பத்திலுள்ளோரை ஒன்று சேர்ப்பதற்காகவே வீடுகளில் சுவாமியறை இருப்பதாகவும் அதேபோல ஊர் மக்களை ஒன்றுமையுடன் வாழ வைக்கவே கோயில்கள் இருப்பதாகவும் மகாகவி பாரதியார் கூறினார்.
‘ஒற்றுமையாக இன்பதுன்பங்களைப் பகிர்ந்து வாழுமிடமே கோவில்’ என்ற பாரதியாரின் கூற்று, மனிதத்தைக் கடைப்பிடித்து மக்களை ஒன்றிணைக்குமிடமே கோவிலென்ற உண்மையை எடுத்துரைக்கின்றது.
சுவாமி விவேகானந்தர் ‘என் அமெரிக்கச் சகோதர சகோதரிகளே!’ என்று ஆரம்பித்து மனிதத்தின் வெளிப்பாடாகத் தன் சொற்பொழிவை ஆற்றினார். அந்த இயல்பினாலேயே மிகவும் இளைய வயதில்கூட அவரால் செயற்கரிய செயல்களைச் செய்ய முடிந்தது.
ஆன்மிகத்தின் ஆணிவேர் மனிதமும் அன்பும் மட்டுமே என்ற விவேகானந்தரின் கொள்கை தான் இன்று இராமகிருஷ்ண மடங்களும், விவேகானந்த கேந்திரங்களும், சாரதா சேவாச்சிரமங்களும் உலகெங்கும் வியாபித்து மக்களுக்கு சேவை புரியக் காரணமாகியது.
39 வயதிற்குள், ஒரு இளைஞனால், தன்னம்பிக்கையையும் தன் ஆன்ம பலத்தையும் இறை நம்பிக்கையையும் மட்டுமே துணையாகக் கொண்டு, மூடநம்பிக்கைகளாலும் சாதி வேறுபாடுகளாலும் கட்டுண்டு உறங்கிக் கிடந்த பாரதத்தைத் தட்டியெழுப்பி இளைஞர்களை ஒன்றிணைக்க முடிந்ததென்பது, இளைஞர்களின் சக்தியை எடுத்தியம்புகிறது.
அந்த இளைஞன் சாதித்ததில் 10 சத வீதத்தையேனும் எம் ஒவ்வொருவராலும் சாதிக்க முடிந்தால் அதைவிடப் பெருவெற்றி வேறொன்றுமில்லை. இளைஞர்களாகிய நாமே இந்த நாட்டின் முதுகெலும்பு. எம்மால் முடியாதது எதுவுமில்ல.
ஆனால் எம்மில் பலர், சோர்ந்து போய், செயலற்று, அறியாமை நிலையாகிய தாமத குணத்தில் ஆழ்ந்திருக்கிறோம். இவ்வாறு விரயமாகிக் கொண்டிருக்கின்ற வாழ்க்கை அர்த்தமற்றதாக, சுவையும் உயிர்ப்புமற்றதாகச் செல்ல இனியும் அனுமதிப்பானேன்? இந்த அறியாமை இருளிலிருந்து விழித்தெழுவோம்! புதியதோர் உலகம் சமைப்போம்!
அதன் முதற்படியாக, உன்னதமான இலட்சியம் அல்லது குறிக்கோள் ஒன்றை வகுத்துக்கொள்வோம். அதையே கனவுகண்டு, அதனையொட்டியே வாழ்ந்து வர முயற்சிப்போம். இதுவே வெற்றிக்கான வழியாகும்.
நிறைந்த விடா முயற்சியையும் பெரும் மன உறுதியையும் கொண்டு கடுமையாய் உழைப் போம். எம் எவரையும் இறை வன் வீணாகப் படைக்கவில்லை. ஒவ்வொருவருடைய வாழ்க் கையும் அர்த்தமுள்ளதாக அமைய வேண்டுமென்பதே இறைவனின் விருப்பமாகும்.
அதற்குரிய ஆற்ற லையும் அவனே வழங்கியி ருக்கின்றான். எம் ஒவ்வொ ருவருள்ளும் புதைந்திருக்கும் ஆற்றல் என்னவென்பதை நாம் முதலில் கண்டுபிடிக்க வேண்டும். எம்மை என்றுமே தாழ்த்திக்கொள்ளக் கூடாது.
ஒரு அடி பின்வாங்குவதால் எந்தவொரு துரதிஷ்டத்தையும் தவிர்த்துக்கொள்ள முடியாது. உல கிலுள்ள கடவுளர்களை எல்லாம் கூவியழைத்தால் கூட துன்பம் விலகிவிடப் போவதில்லை. நாம் எதிர்த்து நின்றால் அது தானே விலகிவிடும்.
உலக இன்பங்களில் உழன்று, மயங்கி, வெறும் கோழைகளாக மாறாமல் துன்பங்களை எதிர்த்து நிற்போம். பிறரின் உதவியை எதிர்பாராது இறைவனை நம்பி நேர் வழியில் நடப்போம். தனி மரம் என்றுமே தோப்பாவதி ல்லை. நாமொவ்வொருவரும் சிதறுண்டு நிற்கும் எம் எண்ண ங்கள் ஒருமைப்பட, நேரத்தை நன்றே முகாமைப்படுத்தி, காலத்தின் தேவையை உணர்ந்து எம் திறமையை அர்ப்பணிக்க முன்வரவேண்டும்.
உயிரே போவதானாலும் கூட எம்பணி நேர்மையானதாக அமை யட்டும்! எம்மிடம் உள்ளதைப் பிறருக்கும் வழங்கும் சீரிய பணியை மேற்கொள்வோம். தோழர்களே, முயன்றுதான் பார்ப்போமே! விவேகானந்தர், இப்பூவுலகிலே ஜனித்த இன்றைய நாள் எங்கள் வாழ்விலும் ஒரு திருப்புமுனை யாக அமையட்டும்!

' முகநூல்' மாய உலகை உருவாக்கி விவசாயத்தில் ஈடுபட வைக்கிறது

அண்மையில் தலைநகரில் நடந்த திருமண வைபவ மொன்றிற்குச் சென்றிருந்த போது, ‘நீ எவ்வளவு அறுவடை செய்தாய்?’, ‘நீ எவ்வளவு சம்பாதித்தாய்?’, ‘தற்போது விவசாயத்தில் எந்த மட்டத்திலுள்ளாய்?’ போன்ற சம்பாஷணைகளை இளைஞர்கள் மத்தியில் அவதானிக்கக்கூடியதாக இருந்தது.
இளைஞர்கள் தலைநகரில் விவசாயம் செய்கிறார்களோ? என்ற சந்தேகத்துடன் வியந்தவர்கள் பலர். அந்த இளைஞர்கள் யாவரும் உண்மையிலேயே மண்ணைக் கொத்தி பண்படுத்திப் பயிரிட்டு அறுவடையை மேற்கொள்பவர்களல்லர்.
இன்று மிகவும் பிரபல்யமாகக் காணப்படும் இணையத் தளமொன்றிலுள்ள விளையாட்டைப் பற்றிய சம்பாஷணையே அதுவாகும். கணினி மற்றும் இணைய வசதியுடைய சகலரும் எந்தவித பேதமுமின்றி இத்தகைய விளையாட்டுக்களில் ஈடுபடுவது அதிகரித்து வருகின்றது.
இன்று இணையமானது சமூக வலைப்பின்னல் எனப்படும் புதிய பரிணாமத்தையும் அடைந்துள்ளது. இணையம் வழங்கும் வசதிகள் பல இன்று சமூக மயப்படுத்தப்பட்டுள்ளன.
இதற்கு உதாரணமாக மின் கற்றலெனப் பட்டிருந்த கல்வி முறையின் போக்கு இன்று சமூகக் கற்றல் முறைமையாக மாற்றப்பட்டமையைக் குறிப்பிடலாம்.
ஒரு தனிப்பட்ட நபரைப் பற்றி அறிய விரும்பினால் அவர் வாழும் கிராமத்தில் அல்லது அவருடைய வீதியில் வாழ்பவர் அல்லது அவரது அயலவர் அல்லது அந்நபரின் நெருங்கிய உறவினர்களிடமோ தொடர்புகொண்டால் தவிர அவரைப் பற்றிய தகவல்களை அறிவது மிகவும் கடினமாயிருந்த காலத்தையெல்லாம் நாம் கடந்து விட்டோம்.
தபால் தொலைத் தொடர்பு அறிமுகமானதன் பின்னர் கடிதத் தொடர்புகள் மூலமும் தொலைபேசி, தொலைநகல் அறிமுகமானதன் பின் கடிதத் தொடர்பைவிடத் துரிதமாகவும் தகவல்களைப் பெற்றனர். இணையத்தின் அறிமுகத்துடன், மின்னஞ்சல் மூலம் ஓரிரு செக்கன்களிலேயே தகவல்கள் பரிமாற்றப்பட்டன.
இவற்றை எல்லாம் தாண்டித் தகவல் பரிமாற்றத்துக்கான மிகவும் இலகுவான, எளிமையான முறையாக சமூக வலைப்பின்னல் முறைமை விளங்குகிறது. இம்முறைமை உலகின் எந்த மூலையிலிருந்தாலும் ஒருவரைப் பற்றி ஒருவர் அறிவதற்கும் தொடர்பாடலை மேற்கொள்வதற்கும் உதவுகிறது.
இந்த சமூக வலைப்பின்னல் முறைமையை அடிப்படையாகக் கொண்டு www.hi5.com,www.ringo.com,www.facebook.com,www.twitter.comபோன்ற பல இணையத்தளங்கள் செயற்படுகின்றன. புதிய பல இணையத் தளங்கள் அறிமுகமாகிய வண்ண மிருக்கின்றன.
கடந்த வருடம் உலகளாவிய ரீதியில் ஏறத்தாழ 350 மில்லியன் பாவனையா ளர்களையுடைய தளமாக, சமூக வலைப்பின்னல் தளங்களில் முன்னணியில் திகழ்வது www.facebook.com இணையத்தளமாகும். இலகு தமிழில் ‘முகநூல்’ என அழைப்பர். இது உலகம் முழுவநிம் ஏறத்தாழ இரண்டு சந்ததி யினரைத் தன் வசப்படுத்தி வைத்திருக் கும் இணையத் தளமாகும்.
2004 ஆம் ஆண்டு அமெரிக்காவின் ஹவார்ட் பல்கலைக்கழக மாணவனான மார்க் சக்கர்பேக் என்ற இளைஞன் பல்கலைக்கழக மாணவர்களிடையே தொடர்பை ஏற்படுத்து முகமாக இணையத் தளமொன்றைப் பொழுது போக்காக ஆரம்பித்தார். காலப்போக்கில் ஏனைய மாணவர்களும் பங்குபெறும் வசதிகள் ஏற்படுத்தப்பட்டுப் பின்னர் 2006 ஆம் ஆண்டு செப்டெம்பர் மாதம் முதல் 13 வயதுக்கு மேற்பட்ட அனைவரும் பங்குகொள்ளக்கூடிய இணையத்தளமாக மாறியது.
இவ்விணையத்தளம், செய்திகள் புகைப்பட மற்றும் வீடியோத் தொகுப்புகள் குறிப்புகள், இணைப்புகள், அவை யாவற்றிற்குமான கருத்துக்கள், உடனடி அரட்டை, பல்வேறு விளையாட்டுக்கள், கேள்வி பதில்கள், எதிர்வு கூறல்களென எண்ணிலடங்காத சேவைகளைத் தன் பாவனையாளர்களுக்கு வழங்கி வருகிறது.
இச்சேவைகள் ஒருவருடனொருவர் தொடர்புகொள்வதை அடிப்படை நோக்கமாகக் கொண்டு அமைக்கப்பட்டுள்ள போதிலும் பாவனையாளர்களை ஒருமயமான கற்பனை உலகிற்குள் அழைத்துச் செல்கின்றன என்பதைப் பலர் உணர்வதில்லை.
இவ்விணையத்தளத்தில் தமது தகவல்களையும் கடவுச் சொல்லையும் பதிந்து எவரும் அங்கத்தவராகலாம். அங்கத்துவம் முற்றிலும் இலவசமானது. அங்கத்தவர்கள் ஒவ்வொருவருக்குமுரிய தனித்துவமான இணையப் பக்கங்கள் உருவாக்கப்படும். அங்கத்தவர்கள் தமது பெயர், மின்னஞ்சல் முகவரி, தொலைபேசி இலக்கம் முதல் தமது பொழுது போக்குகள், தமக்கு விருப்பமான புத்தகங்கள் வரை தம்மைப் பற்றிய சகல தகவல்களையும் இணைக்கலாம்.
குற்றங்களைத் தவிர்ப்பதற்காக மின்னஞ்சல் முகவரி மற்றும் தொலைபேசி இலக்கம் போன்றவை பார்வைக்குரியனவாக மட்டுமே காணப்படும்.
எமக்குத் தெரிந்த நபர்களையும் தெரியாதவர்களையும் நண்பர்களாக இணைக்க முடியும். ஒருவரை நண்பராக இணைக்கும்படி ஏனைய நண்பர்களுக்கும் பிரேரிக்க முடியும்.
அங்கத்தவர்கள், தமது அடையாளப் புகைப்படங்களையும் ஒளிப்படங்கள் மற்றும் புகைப்படங்களின் தொகுப் புக்களையும் பதிவேற்றக்கூடிய வசதிகள் செய்யப்பட்டுள்ளன. அத்துடன் அப்புகைப் படங்களுக்கான தலைப்புக்களையும் விபரங்களையும் எழுத முடியும்.
புகைப்படத்தில் உள்ளவர்களைக் குறிப்பிட முடியும். அதேசமயம் மற்றவர்களால் குறியிடப்பட்ட தமது புகைப்படங்களையும் பார்வையிட முடியும். புகைப்படம் தொடர்பான தமது கருத்துக்களை நண்பர்களும் எழுதுவதற்கும் இடம ளிக்கப்பட்டுள்து.
நண்பர்கள் எவராவது நேரிணையத்தில் இருந்தால் அவர்களுடன் நேரடியாக எழுத்து மூலம் உரையாட முடியும். ஒவ்வொருவருடைய முகப்புப் பக்கத்திலும் நேரடிச் செய்தி இணைப்புக்கான தேர்வு காணப்படும். இதன் மூலம் ஏனைய நண்பர்கள் என்ன செய்கின்றார்கள் என்பதையும் உடனுக்குடன் அறியலாம்.


ஒவ்வொருவருக்கும் தனித்துவமான சுவரொன்று காணப்படும். அதில் உரிமையாளரோ அல்லது அவரது நண்பர்களோ எழுத முடியும். புகைப்படங்கள் உட்படப் பல விடயங்களை இணைக்க முடியும். தொடர்பாடலுக்குரிய நவீன வழியாக இது தென்படுகிறது.
இவை தவிர ஒவ்வொரு அங்கத்தவரும் குறித்த கணத்தில் தமது நிலையென்ன என்பதைத் தெரிவிக்கலாம். அதனை ஏனைய நண்பர்களும் பார்க்கலாம்.
தான் என்ன செய்கிறேன். அல்லது தனது நிலையென்ன என்பதை மற்றவர்களுக்குத் தெரிவிக்கும் ஒரு செயற்பாடாகவே இது காணப்படுகிறது.
எந்த விடயம் தொடர்பான குறிப் புக்களையும் படத்துடன் இணைக்க முடியும். அக்குறிப்புகளில், தேவையான வர்களைக் குறியிட முடியும். நண் பர்களுடைய பக்கங்களைப் பார்வையிடலாம். அவர்களுடைய நண்பர்களில் யாரையாவது எமது நண்பர்களாக இணைக்க விரும்பினால் விருப்பத்தை அவர்களிடம் தெரிவிக்கலாம்.
அவர்களும் விரும்பினால், இரு தரப்பினரும் நண்பர்களாகலாம். முகநூலில் நண்பர்களை இணைத்தலென்பது இரு தரப்பும் விரும்பினால் மட்டுமே நடைபெறும் ஒரு செயற்பாடாகும்.
நண்பர்களின் பக்கங்களில் பிடித்த விடயங்களை எமது பக்கத்துக்கு அஞ்சலிடலாம். முகநூலின் எந்தவொரு பகுதியையும் நாம் விரும்பினால் ‘நான் இதை விரும்புகிறேன்’ எனத் தெரிவிக்கலாம். அதேநேரம் அப்பகுதி தொடர்பான எமது கருத்துக்களை எழுதலாம். மற்றவர்கள் எழுதிய கருத்துக்களுக்கும் பதிலளிக்கலாம்.
குழுக்களை உருவாக்குவதன் மூலம் ஒத்த ஆர்வமுடையவர்கள் ஒன்றிணையலாம். தமக்கிடையே கருத்துக்கள், விமர்சனங்கள், புகைப்படங்கள் மற்றும் ஒளிப்படங்களைப் பரிமாறலாம்.
வினா விடைப் போட்டிகள், விளையாட்டுக்கள், வாழ்த்து மடல்கள், பரிசுகள் அனுப்புதல் போன்ற பல செயற்பாடுகளை பிரயோகம் எனும் பகுதியினூடு மேற்கொள்ளலாம். அங்கத்தவர்களால் பாதிக்கப்பட்ட இத்தகைய விடயங்களையும் இணை க்கலாம்.
நவநாகரிக மோகத்தினால் விட்டுச் செல்லப்பட்ட பல விடயங்களை, மாய உலகொன்றைத் தோற்றுவித்து, விளையாட்டுக்களின் மூலம் கண்முன்னே கொண்டு வருவதில் முகநூல் முன்னணியில் திகழ்கிறது. அறிவை விருத்தி செய்யக்கூடிய பல விளையாட்டுக்களையும் முகநூல் கொண்டுள்ளதென்பது மறுக்க முடியாத உண்மையாகும். வெகு தொலைவிலிருந்தால் கூட அவர்களுடன் இணைந்து போட்டியாக விளையாடக் கூடிய வகையில் வசதிகள் செய்யப்பட்டுள்ளன.
உலகளாவிய ரீதியில் பெற்றோர் முதல் பிள்ளைகள் வரை குடும்பம் குடும்பமாக விளையாடும் விளை யாட்டுக்களாக விவசாயம் தொடர்பான விளையாட்டுக்கள் காணப்படுகின்றன.
இவ்விளையாட்டுக்கள் மிகவும் சுவாரசியமான விதத்தில் உருவாக்கப் பட்டுள்ளன என்பதை அவற்றை விளையாடும் எவராலும் மறுக்க முடியாது. இவ்விளையாட்டில் சேர்ந்தவுடன், ஒவ்வொருவருக்கும் சிறிதளவு சில்லறைகளும் ஒரு மாய உலகில் சிறிய நிலமொன்றும் வழங்கப்படும். விவசாயமொன்றை மேற்கொள்வதற்கான செயற்பாடுகள் பொத்தான்களின் வடிவில் காணப்படும்.
உரியதை அழுத்துவதன் மூலம் நிலத்தைப் பண்படுத்தலாம். விதைக்கலாம், நீர் பாய்ச்சலாம். அத்துமீறி உள்நுழையும் விலங்குகளைத் துரத்தலாம். நிலக்கு வேலியிடலாம். அறுவடை செய்யலாம். விளைச்சலை விற்று வருமானமீட்டலாம். ஈட்டிய வருமானத்தைக் கொண்டு நிலத்தை மேலும் விஸ்தரிக்கலாம்.
வசதிகளை மேம்படுத்தலாம். இவ்வாறான பல செயற்பாடுகளைச் செய்யலாம். இவ்விளையாட்டில் பல படிநிலைகள் காணப்படும். குறித்த படிநிலையின் இலக்கையடைந்தால் அடுத்த படிநிலைக்கு முன்னேறலாம்.
ஒவ்வொரு பயிரையும் விதைத்த பின் அறுவடை செய்வதற்கான நேரம் குறிக்கப்பட்டிருக்கும். குறித்த நேரத்தில் அறுவடை செய்யப்படாவின் அயலிலுள்ள நண்பர்கள் விளைச்சலைத் திருடிவிடுவர். எமது நிலத்துக்கு அயலில் உள்ள நிலங்களில் விவசாயத்தை மேற்கொள்ளுமாறு நண்பர்களுக்கும் அழைப்பை விடுக்கலாம். அவர்கள் அவ்வழைப்பை ஏற்றுக் கொண்டால், எமது புள்ளிகள் அதிகரிக்கப்படும்.
இவை மட்டுமன்றி இன்னும் எண்ணிலடங்காத செயற் பாடுகளை மேற்கொள்ள முடியும். தமது விவசாய நிலங்களை அழகுபடுத்தலாம். புகைப்படங்கள் எடுத்து நண்பர்களுடன் பகிரலாம். இதுபோன்ற பல விளையாட்டுக்கள் இன்று முகநூல் பாவனையாளர்கள் மத்தியில் மிகவும் பிரபல்யமாகக் காணப்படுகின்றன.
இந்த மாய உலகில், செல்லப் பிராணிகளைத் தத்தெடுத்து உணவூட்டி வளர்க்கும் விளையாட்டுக்களும், மிருகக் காட்சிச் சாலைகளை உருவாக்கிப் பராமரிக்கும் விளையாட்டுக்களும் இன்னும் பல புதுவித விளையாட்டுக்களும் காணப்படுகின்றன.
இணையக் குற்றங்கள் அதிகரித்துள்ள இன்றைய காலகட்டத்தில் அக்குற்றங்களை இயன்ற வரையில் தவிர்க்கும் வகையில் ஒவ்வொரு செயற்பாட்டையும் அங்கத்தவர்களின் விருப்பத்துக்கேற்ப கட்டுப்படுத்தக்கூடிய வகையிலேயே முகநூல் அமைக் கப்பட்டுள்ளது.
ஆனால் பல அங்கத்தவர்கள் அவற்றைப் புரிந்து செயற்படுவதில்லை. இதன் காரணமாகப் பல அசம்பாவிதங்கள் நடைபெறுவதும் தவிர்க்க முடியாததாகிவிடுகிறது.
ஏறத்தாழ ஐந்து வருடங்களாக, பல மில்லியன் பாவனையாளர்களுடன் ஒரு சமூக வலைப்பின்னல் தளம் நிலைத்து நிற்பதென்பது மிகப் பெரிய விடயம். செக்கனுக்கு செக்கன் அபிவிருத்தியடைந்து வரும் கணினித் தொழில்நுட்பத்திற்கு ஈடுகொடுப்பதே இவ்விணையத்தளத்தின் வெற்றிக்கு மிகப் பிரதான காரணியாக அமைகிறது.
அவசர உலகிலே, அதிகரித்துவரும் நேரப் பற்றாக்குறைக்கு மத்தியில் உறவுகளுடனான தொடர்பைச் சீராகப் பேணுதலென்பது சற்றுக் கடினமான விடயமேயாகும். இத்தகைய சந்தர்ப்பத்தில் உறவுகளைப் பேணுவதற்கான சிறந்த ஊடகமாக முகநூல் காணப்படுகின்றது.
தொடர்பற்றுப் போன உறவுகளுடனும் சிறுவயது நண்பர்களுடனும் தொடர்பை ஏற்படுத்துவதற்கு முகநூல் உதவுகிறது. ஒரு பொழுது போக்குக்காகவும் இயந்திரமயப்படுத்தப்பட்ட வாழ்க்கையில் ஏற்படுத்தப்படும் மனச் சோர்வைப் போக்கவும் முகநூல் பயன்படுகிறது. கைத்தொலைபேசிகளினூடாகவும் இத்தளத்தைப் பார்வையிட முடிவதுடன் பதிவுகளையேற்றவும் முடிகிறது.
புகைப்படங்கள் மற்றும் ஒளிப்படங்களைப் பகிரவும், சேமிக்கவும் சிறந்த தளமாக முகநூல் அமைகிறது. உலகின் எந்த அந்தத்திலிருந்தாலும் ஒருவர் தொடர்பான விடயங்களை உடனுக்குடன் அறியவும் தொடர்புகளை மேற்கொள்ளவும் உதவுகிறது. இத்தளம் உலகில் பிரபலமான பல மொழிகளிலே காணப்படுவதால், இத்தளத்தை உபயோகிக்க ஆங்கில மொழியறிவு அவசியமில்லை. இணைய அறிவு மட்டுமே போதுமானது.
பிடித்த விடயங்களை மற்றவர்களுடன் பகிரவும் முகநூல் உதவுகிறது. எல்லா உறவுகளையும் ஒருபக்கத்தினுள்ளேயே அடக்குவதன் உலகம் எவ்வளவு சிறியதென்பதை உணர்த்துகிறது. பெயரை மட்டும் வைத்தே உறவுகளைத் தேடிக் கண்டுபிடிக்க முடியும். பல விடயங்களைச் மிகக் குறுகிய நேரத்திற்குள்ளேயே அறிந்துகொள்ள உதவுகிறது.
இன்றைய கல்வி முறைமை புத்தகம் சாராது தேடல் சார்ந்ததாகவே காணப்படுகிறது. ஆகையால் பல்வேறுபட்டோருடன் தகவல்களைப் பரிமாறுவதற்கு மிகச் சிறந்த ஊடகமாகக் காணப்படுகிறது. வர்த்தக ரீதியான செயற்பாடுகளுக்கும் விளம்பரங்களுக்கும் கூட முகநூல் உதவி செய்கிறது. முகநூலை நடத்தத் தேவையான பணம் விளம்பரங்கள் மூலமே பெறப்படுகிறது.
பொழுதைப் போக்குவதற்கான இலகுவழியாகவும் முகநூல் தென்படுகிறது. பாவனையாளரை ஒரு மாய உலகினுள்ளே சஞ்சரிக்க வைத்து அவர்களின் கற்பனைத் திறனைக் குறைக்கிறது. அதிகாலை எப்படியிருக்குமென்று தெரியாதவர்களைக் கூட அதிகாலையில் எழுப்பி அறுவடை செய்யவைக்கிறது. அவசர உலகைக் கருத்தில் கொள்கையில் இது நேரத்தை விரயமாக்குமொரு செயற்பாடாகவும் கருதப்படுகிறது.
பாடசாலை செல்வோரின் கட்டுப்பாடின்றி முகநூல் பாவனையானது அவர்களின் கல்வி, மற்றும் நடத்தைக் கோலங்களில் பாதிப்பை ஏற்படுத்துவதுடன் தற்கொலைகளின் எண்ணிக்கையையும் அதிகரித்துள்ளது.
பொதுவாக வேலைத் தளங்களில் முகநூலின் பாவனை, உற்பத்தித் திறனையும் பணியாளர்களின் வினைத் திறனையும் குறைப்பதாகக் கணிப்பிடப்படுவதால் உலகளாவிய ரீதியில் பல வேலைத் தளங்கள் முகநூலின் பாவனையைத் தடை செய்துள்ளன. ஆனால் வெளிநாடுகளில் வேலைக்குச் சேரும் நபரொருவரின் அடிப்படைத் தகைமைகளுள் ஒன்றாக முகநூல் கணக்கும் கருதப்படுகிறது.
பல பாடசாலைகளும் பல்கலைக் கழகங்களும் கூடத் தமது எல்லைக்குள் முகநூலின் பாவனையைத் தடை செய்துள்ளன. விவசாயம், செல்லப் பிராணிகள், மிருகக் காட்சிச் சாலை போன்ற விளையாட்டுக்கள் தினமும் முகநூலைப் பார்வையிடத் தூண்டுவதுடன், கிட்டத்தட்டப் பாவனையாளரை முகநூலுக்கு அடிமையாக்கி விடுகின்றன. இத்தகைய விளையாட்டுக்களிலிருந்து மீள முடியாமல் கடனட்டை மூலம் பணம் செலுத்தி விளையாடுபவர்களும் காணப்படுகின்றனர். காலம் கடந்த ஞானத்தைப் பெற்றவர்களும் இருக்கின்றார்கள்.
முகநூலில் நடைபெறும் விடயங்களை உடனுக்குடன் குறுஞ் செய்திச் சேவைகள் மூலம் கைத்தொலைபேசியில் பார்க்கக் கூடியதாகவிருப்பது பாவனையாளர்களை மேலும் முகநூலுக்கு அடிமையாக்குகிறது.
இத்தகைய இணையத்தளங்களின் பாவனையானது கூரிய கத்தியைப் போன்றது. கத்தி வைத்தியரிடமா அல்லது கொலைகாரனிடமா இருக்கிறது என்பதைப் பொறுத்து அதன் பாவனை வேறுபடும். ஒருவரை ஒருவர் உளவு பார்க்கவும் இத்தகைய சமுக வலைப்பின்னல் தளங்களே காரணமாகின்றன.
நெருங்கிய உறவுகள் கூட முக நூலின் வரவால், முகநூலினூடு மட்டுமே தொடர்புகொண்டு தூரச் செல்லும் சந்தர்ப்பங்களும் காணப்படுகின்றன.
நண்பர்களின் எண்ணிக்கையை அதிகரிப்பதில் பெருமைகொள்வோர் தாமாகவே ஆபத்தை விலைக்கு வாங்கிக்கொள்கின்றனர். முகநூல் நட்புக்குப் புதியதோர் வரைவிலக்கணத்தை வழங்கிவிடுமோ என்றதோர் அச்சமும் நிலவி வருகிறது.
முகநூலினூடாகப் பாவனையாளர்கள் அரசாங்கத்திற்கு எதிரான பிரசாரங்களை மேற்கொண்டமைக்காக முகநூல் பாவனையைத் தடைசெய்த நாடுகளுமுள்ளன. சிரியா, பர்மா, பூட்டான், ஈரான், வியட்நாம் போன்ற நாடுகளே இவ்வாறு தடைசெய்துள்ளன.
முகநூல் தளம், தானே பலவகையான கட்டுப்பாடுகளை விதிப்பதன் மூலம் துஷ்பிரயோகங்களை இயன்றவரை தவிர்த்து வருகிறது. ஒவ்வொரு பெற்றோரும் தனது பிள்ளை எவ்வளவு தூரம் முகநூல் பாவனையிலீடுபடுகின்றதென்பதை அவதானிக்க வேண்டும். பாவனையாளர் ஒவ்வொருவரும் பகுத்தறிவுடன் செயற்பட வேண்டும்.
மதுவுக்கடிமை, போதைப்பொருளுக்கு அடிமை என்ற காலங்கள் கடந்து முகநூலுக்கடிமை என்றொரு காலம் வெகு விரைவில் உருவாகுமோ என்றும் எண்ணத் தோன்றுகிறது. மாய உலகில் சஞ்சரிப்பது இன்பமாகத் தோன்றினாலும் உள ரீதியான ஆரோக்கியத்துக்கு அது ஒரு போதும் நன்மை பயக்காது.
கற்காலம், வெண்கலக்காலம் என்றெல்லாம் காலங்கள் வரை யறுக்கப்படுகின்ற போது இணையக் காலமொன்று வரையறுக்கப்படுகையில் அதன் உப பிரிவுகளிலொன்றாக முகநூல் காலமும் இருக்குமென்பதில் எதுவித ஐயமுமில்லை.
‘கனியிருப்பக்காய் கவர்ந்தற்று’ என்ற முதுமொழியின் அர்த்தத்தை ஆழ உணர்ந்து முகநூலைப் பாவி ப்பதுடன் அதன் ஆதிக்கத்தை ஓங்க விடாது, அதை எமது கட்டுப் பாட்டுக்குள் வைத்திருந்தால், அதி கம் நன்மை பயக்கும் தளமாகவே முக நூலுமிருக்கும்.

மற்றைய இனங்களை வாழவிடாமல் செய்த குற்ற உணர்வுடன் கிடைக்கும் சுபிட்சம் தேவையா ??

‘பருவநிலை மாற்றத்தால் தேனீக்கள் அழியும் அபாயம் ஏற்பட்டுள்ளது.’
‘உலகெங்கும் 17,000க்கும் மேற்பட்ட இனங்கள் அழிந்து போகும் ஆபத்தான நிலையில் இருப்பதாக இயற்கையைப் பாதுகாப்பதற்கான சர்வதேச அமையம் (IUCN) சிவப்புப் பட்டியலை வெளியிட்டுள்ளது.’
‘இதுவரை இனங்காணப்பட்டுள்ள 704 பவளப் பாறை இனங்களில் சுமார் 231 இனங்கள் அருகிவரும் இனங்களின் பட்டியலில் சேர்க்கப்பட்டுள்ளன. 1998 ஆம் ஆண்டு இவற்றில் 13 இனங்களே இவ்வாறு சேர்க்கப்பட்டிருந்தன.’
‘பண்டா கரடிகளுடன் சேர்ந்து உயிர் வாழ்ந்த ஸ்டெகோடான் யானை (பெரிய தந்தங்களையுடையது), சீனக் காண்டாமிருகம் போன்ற பல உயிரினங்கள் ஏற்கனவே அழந்துவிட்ட நிலையில், இன்று சீனாவில் மட்டுமே இப்பண்டாக் கரடிகள் காணப்படுகின்றன. இவற்றின் எண்ணிக்கை 1600 மட்டுமே.’
இன்றைய காலகட்டத்தில் இத்தகைய பல்வேறுபட்ட செய்திகள் எம்மை எட்டுகின்றன. ஆனால் நாம் அவற்றைப் பற்றி ஆழச் சிந்திக்கத் தலைப்படுவதில்லை. இயந்திரமயமான உலகத்திலே, செய்தியொன்றை அறிவதே பெரிய விடயமாகக் கருதப்படுகின்ற நிலையில் அறிந்த செய்தியைப் பற்றிச் சிந்திப்பதென்பது எதிர்பார்க்கப்பட முடியாதது.
இற்றைக்கு 3.8 பில்லியன் வருடங்களுக்கு முன்னர் பூமியில் வெறும் கற்களும் மண்ணும் உவர் நீருமே காணப்பட்டன. பின்னர் அமினோ அமிலங்கள் உருவாகி அதன் பின்னர் வாய்ப்பான சூழல் நிலைமைகள் உருவாகி, ஒரு கலவுயிர், இருகலவுயிர், பல கலவுயிரென உயிர்கள் தோற்றம் பெற்றன. புல்லாகிப் பூண்டாகிப் புழுவாய் மரமாகிப் பல்மிருகமாகிப் பறவையாய்ப் பாம்பாகிக் கல்லாய் மனிதராய்...’ என மாணிக்கவாசகர் சிவபுராணத்தில் பாடுகின்றார்.
படிமங்களில் கண்டறியப்பட்ட புதிய வகை எலும்புக் கூடுகள் இப்பூமியில் இன்னும் அறியப்படாத உயிரினங்கள் வாழ்ந்து வந்தமைக்கான ஊகங்களுக்குச் சான்றுகளாக அமைந்தன. அவற்றின் தற்போதைய நிலையென்ன? அவை எவ்வாறு அழிந்துபோயின? போன்ற பல கேள்விகள் காலங்காலமாக வினவப்பட்டு வந்தன.
இந்நிலையில் சார்ள்ஸ் டார்வின் எனும் விஞ்ஞானி கூர்ப்புக்கொள்கையை முன்வைத்தார். அது பல சந்தேகங்களுக்குத் தீர்வாக விளக்கங்களையளித்தது. தக்கன பிழைக்கும் நலிந்தன அழியும் என்ற தக்கனப் பிழைத்தல் கொள்கைக்கு வித்திட்டது.
இனமொன்று அழிந்து போவதற்கு நேரடிக் காரணங்களும் பல மறைமுகமான காரணங்களும் காணப்படுகின்றன.
புவியில் காணப்படும் இனங்களின் வேறுபட்ட தன்மையே உயிர்ப் பல்வகை மையாகும். 1972 இல் நடைபெற்ற ஐக்கிய நாடுகள் சபையின் புவிமாநாட்டில் உயிரியல் பல் வகைமையென்பது ‘தாங்களும் ஒரு பகுதியாகவுள்ள நிலம், கடல் மற்றும் ஏனைய நீர் சார் சூழலியல் முறைமைகள், நீர் வாழ் சூழலியற் தொகுதிகளுட்பட எல்லா இடங்களையும் சார்ந்த உயிரினங்கள் மத்தியிலான பல்வகைமை ஆகும்’ என்ற வரைவிலக்கணம் முன்வைக்கப்பட்டது.
ஆரம்பத்தில் உயிரினங்களுக்கிடையிலான சமநிலை இயற்கையாகவே பேணப்பட்டு வந்தது. ஆனால் காலப் போக்கில் உருவாகிய பல காரணங்கள் இந்த இயற்கைச் சமநிலையைக் குலைக்க ஆரம்பித்தன. இதனால் பல உயிரினங்கள் அழிந்தன. பல, அருகி வரும் நிலைக்குத் தள்ளப்பட்டன.
அச்சுறுத்தலுக்குள்ளாகும் உயிரினங்கள் பற்றிய தகவல்கள் இயற்கையைப் பாதுகாப்பதற்கான சர்வதேச அமையத்தினால் சிவப்புத் தரவுப் பட்டியல் எனும் பெயரில் 1981ஆம் ஆண்டு முதல் கிரமமாக வெளியிடப்பட்டு வருகின்றன. இத்தகவற் பட்டியலானது இவ்வுயிரினங்களை, அழிவடைந்த உயிரினங்கள் முதல் குறைந்தளவில் பாதிக்கப்படக் கூடிய உயிரினங்கள் வரை வகைப்படுத்தியிருக்கின்றது. அவ்வகைப்படுத்தல் வருமாறு
1. அழிந்துபோன உயிரினங்களான கரீபிய கடற்சிங்கம், தூதுசெல்லும் புறா போன்றன.
2. காடுகளில் அழிந்து, சுதந்திரமற்றுத் தனித்தனியாக மிருகக் காட்சிச் சாலைகள் போன்ற இடங்களில் வாழும் உயிரினங்கள்.
3. எதிர்காலத்தில் நிச்சயமாக அழிந்து போகக் கூடிய அபாயகரமான நிலையிலுள்ள உயிரினங்களான ஜாவா காண்டாமிருகம் போன்ற உயிரினங்கள்
4. தற்போது அச்சுறுத்தலுக்குள்ளாகியுள்ள, எதிர்காலத்தில் அழிந்து போகக் கூடுமென எதிர்பார்க்கப்படும் நீலத் திமிங்கிலம், பனிச் சிறுத்தைகள், இராட்சத பண்டா போன்ற இனங்கள்.
5. எதிர்காலத்தில் அச்சுறுத்தலுக்குள்ளாகி அழிந்து போகலாமென எதிர்பார்க்கப்படுகின்ற சிங்கம், துருவக் கரடி, நீலத்திமிங்கிலம் போன்ற இனங்கள்.
6. எதிர்காலத்தில் அச்சுறுத்தலுக்குள்ளாகலாமென எதிர்பார்க்கப்படக்கூடிய இனங்கள்
7. வாழ்வியலுக்கு உடனடியான அச்சுறுத்தல் இல்லாத இனங்கள்.
8. அச்சுறுத்தல் தொடர்பான மதிப்பீடுகளை மேற்கொள்வதற்கான தரவுகள் பற்றாக்குறையாகவுள்ள இனங்கள்.
9. அச்சுறுத்தல் தொடர்பான மதிப்பீடுகள் மேற்கொள்ளப்படாத இனங்கள்.
இவை இவ்வாறு அச்சுறுத்தலுக்குள்ளாவதில் பல காரணிகள் செல்வாக்குச் செலுத்துகின்றன.
ஒவ்வொரு இனமும் தனித்துவமானதாகவே கருதப்படுகின்றது. பல்வேறு காரணிகளால் தான் வாழும் சூழலில் தன்னைத் தக்கவைத்துக் கொள்ள முடியாத இனமும், புதிய சூழலை ஏற்று வாழமுடியாத இனமும் அச்சுறுத்தலுக்கோ அல்லது அழிவுக்கோ உள்ளாகுமென்பதே அடிப்படை. தற்போது சூழல் பாதுகாப்பு தொடர்பான அமைப்புகளும் அரசாங்கங்களும் மனிதனால் ஏற்படும் அச்சுறுத்தலிலிருந்து இனங்களைப் பாதுகாக்கும் நோக்குடன் பல பாதுகாப்பு நிகழ்ச்சித் திட்டங்களை நடைமுறைப்படுத்துகின்றன.

தேவைக்கு மேலதிகமாக அறுவடை செய்தல், சூழல் மாசு, இனங்களின் இயற்கை வாழ்விடங்களை அழித்தல், அவற்றை அழிக்கும் புதிய இனங்களின் அறிமுகம், அவற்றினால் ஏற்படும் உணவுக்கான போட்டி, உயிரினங்களை வேட்டையாடுதல் மற்றும் ஏனைய பல காரணிகள் போன்றவை முக்கியமாக நோக்கப்பட வேண்டியவை.
பல இனங்கள் அவதானிக்கப்படாமலே மறைந்து போயுள்ளன. இனங்களின் குடித்தொகை மரபுரிமையியல் மற்றும் குடியியல் தொடர்பான நிகழ்வுகள், கூர்ப்படைதலைப் பாதித்து அவற்றின் அழிவுக்குக் காரணமாகின்றன. சிறிய குடித்தொகையையுடைய இனங்கள் இத்தகைய நிகழ்வுகளின் போது அதிகளவில் பாதிக்கப்படுவதாக அறியப்படுகிறது.
வரையறுக்கப்பட்ட புவியியல் எல்லைகள் தனிப்பட்ட இனங்களின் அழிவுக்குப் பின்னணியாக அமைந்துள்ளதாகவும் அறியப்படுகிறது.
இயற்கைத் தேர்வானது தக்கனவற்றைப் பிழைக்க வைப்பதுடன் நலிந்தனவற்றை இல்லாதொழிக்கும் பாரம்பரிய இயல்பின் பல்வகைமையின் இழப்பானது, உயிரினங்கள் அழிவடைவதற்கான சாத்தியக் கூறுகளை உருவாக்கும். உயிரினங்களின் இனப் பெருக்கம் கட்டுப்படுத்தப்படுவதால் உயிரினங்களின் எண்ணிக்கை குறைவடைந்து காலப் போக்கில் அவை அழிவும் சாத்தியக் கூறுகளே அதிகளவில் காணப்படுகின்றன.
கலப்பு முறைப் பிறப்பாக்கம் போன்ற காரணிகள், இயற்கையாகவே கூர்ப்படைந்து அப்பிராந்தியத்திற்கே உரித்தானவையாகக் காணப்படும் இனங்களின் அழிவுக்குக் காணமாகின்றன.
குறித்த பிராந்தியத்திற்குரியதல்லாத இனங்கள் அப்பிராந்தியத்தினுள் கொண்டுவரப்படும் பொழுது மனிதனால் வலுக்கட்டாயமாகவோ அல்லது வாழ்விடங்கள் திருத்தியமைக்கப்படுவதாலோ சுதேச இனங்களுடன் கலப்புப் பிறப்பாக்கத்திலீடுபட்டு அவற்றின் நிலைப்பில் பாதிப்புக்களை ஏற்படுத்தும் இயற்கையாகவே கூர்ப்படைந்து வருமினங்கள் நலிவடைந்த கலப்பினங்களாக மாற்றப்படுவதால் அவை இயற்கைச் சூழலுடன் ஒன்றித்து நீண்ட காலம் வாழ முடியாமல் அழிந்துபோகும்.
வாழ்விடங்களின் தரம் குறைவடைதல், அவ்வினங்கள் நீண்ட காலம் உயிர்வாழ முடியாமற் செய்வதுடன் அவற்றை அழிவடையச் செய்வதிலும் பெரும் பங்குவகிக்கின்றது. வாழிடத்தின் தரமானது சூழலில் இனங்கள் வாழ முடியாதவாறு நச்சுத் தன்மையுடையதாக மாறுதல் போன்ற நேரடிக் காரணிகளாலும் மறைந்து வரும் வளங்களுடனோ அல்லது மற்றைய போட்டியினங்களுடனோ போட்டி போட முடியாதவாறு மட்டுப்படுத்தப்படல் போன்ற மறைமுகமான காரணங்களும் பங்கு வகிக்கலாம்.
சூழல் நச்சுத்தன்மையாக மாறுவதால் அச்சூழலின் அங்கத்தவர்கள் யாவருமே கொல்லப்படுவதால் இனங்களும் மிக வேகமாகக் கொல்லப்படும். நச்சுத்தன்மை மட்டம் குறைவாகவிருக்கும் சந்தர்ப்பங்களில் சூழலானது நீண்டகால நோக்கில் இனங்களின் ஆயுட்காலம், இனப்பெருக்கம் செய்யும் ஆற்றல், போட்டியிடும் தன்மை போன்ற விடயங்களில் பாதிப்பை ஏற்படுத்தும்.
வாழ்விடங்களின் தரம் இழக்கப்படுதலும் ஏனைய தேவைகளும் பொருளாதார ரீதியாக அவ்வாழ்விடங்கள் அழிக்கப்படுதலுக்கு வழிவகுக்கும். அயன மண்டல மழைக் காடுகள் பரந்தளவில் அழிக்கப்பட்டு இன்று புல் நிலங்களால் பிரதியீடு செய்யப்பட்டுள்ளன.
அடர் காடுகள் இல்லாதொழிக்கப்படுவதால் பல இனங்களின் வாழ்விடங்கள் அழிக்கப்பட்டு அவை உயர்வாழ முடியாமல் போகின்ற சந்தர்ப்பங்கள் அதிகமாக்கப்பட்டன. அடர்ந்த மரங்களின் நிழலையே ஆதாரமாகக் கொண்டு வாழும் ஒருவகைப் பாசித் தாவர இனம், காடுகள் அழிக்கப்பட்டதால் நிலத்தை நேரடியாக அடையும் சூரிய ஒளியைத் தாக்குப் பிடிக்க முடியாமல் அழிந்து போனமையைக் குறிப்பிடலாம்.
அழிந்துவரும் வளங்களும் புதிய போட்டி இனங்களும் கூட வாழிடங்களின் தரம் இழக்கப்படுவதில் பங்காற்றுகின்றன. பூகோளம் வெப்பமயமாதலானது சில இனங்களின் புவியியல் எல்லைகள் அதிகரிக்கப்பட வழி வகுத்ததால் வேறு சில இனங்களின் வாழ்விடம் அத்துமீறிப் பறிக்கப்படுவதற்குக் காரணமாகியது. அத்துடன் அத்தியாவசியமான வளங்களான நீர், மற்றும் உணவு போன்றனவும் வரையறுக்கப்பட்டுள்ளமையால் இனங்கள் அழிந்துபோகும் சாத்தியக் கூறுகள் அதிகம் காணப்படுகின்றன.
மனிதர்கள் புராதன காலம் தொட்டு உலகின் ஒரு பகுதியிலிருந்து இன்னொரு பகுதிக்கு விலங்குகளையும் தாவரங்களையும் கொண்டு செல்கின்றார்கள். உணவுக்காகக் கால்நடைகள் தனித் தீவுகளில் விடப்பட்டமையும், படகிலிருந்து எலிகள் தப்பிப்பமையும் கூட இச்செயற்பாட்டின் விளைவுகளே.
இத்தகைய நடைமுறைகள் பல வேளைகளில் தோல்வியில் முடிந்தாலும் இவ்வாறு ஆக்கிரமிக்கும் வேற்றுப் பிராந்திய இனங்கள் சர்வதேச இனங்களை உண்பதாலும் அவற்றுடன் போட்டியிடுவதாலும் ஒட்டுண்ணிகள் மற்றும் நோய்களால் அவற்றை நோய் வாய்ப்படுத்தியும் அவற்றை அழிப்பதில் நேரடியாகப் பங்களிக்கின்றன. அதே சமயம் அவற்றின் வாழ்விடங்களை அழிப்பதாலும் வாழ்விடங்களின் தரத்தை இழக்கச் செய்வதாலும் மறைமுகமாகப் பங்களிக்கின்றன.
ஒரு இனமழிவதால் அதில் தங்கியுள்ள இனங்களும் அழிவதற்கான வாய்ப்புக்கள் அதிகம் காணப்படுகின்றன.
பூகோளம் வெப்பமயமாதலானது நீண்டகால நோக்கில் உயிரினங்கள் அழிவடைவதற்குக் காரணமாகின்றது. இன்று இருக்கும் நிலத் தாவரங்கள், விலங்குகளில் 25 சதவீதமானவை 2050ஆம் ஆண்டளவில் அழிந்து போகுமென எதிர்வு கூறப்படுகிறது. அதேசமயம் இன்று இருக்கும் இனங்களில் 33 – 50 சதவீதமான இனங்கள் அச்சுறுத்தலை எதிர்நோக்கியுள்ளன என்ற உண்மை மறுக்கப்பட முடியாதது.
காபனீரொட்சைட் மட்டம் மற்றும் வெப்பநிலையின் வேகமான அதிகரிப்பு, ஆயிரக் கணக்கான இனங்கள் அழிந்து போகக் காரணமாகும். காலநிலை மாற்றம் மட்டுமன்றிக் காடழிப்பும் இனங்களின் அழிவுக்குக் காரணமாகின்றது.
இனங்கள் காலநிலை மாற்றத்திற்கேற்றவாறு தம்மை மாற்றியமைக்குமெனும் கருத்து பலரால் முன்வைக்கப்படுகின்ற போதிலும் காலநிலை மாற்றத்தின் விளைவுகளான மாற்றமடையும் மழை வீழ்ச்சி, பருவகாலங்கள் மற்றும் வெப்ப நிலை, உயரும் கடல் மட்டம், மாற்றமடையும் சூழல் தொகுதியின் கட்டமைப்பு, கிடைக்கும் உணவின் அளவிலான மாற்றம் போன்ற பல காரணிகள் பாதிப்பை எற்படுத்தும். படிப்படியான காலநிலை மாற்றத்தினாலேயே பெரியளவினாலான அழிவுகள் இடம்பெற்றதாக ஆய்வுகள் தெரிவிக்கின்றன.
அதே சமயம் காலநிலை மாற்றமான புதிய இனங்களின் தோற்றத்துக்கும் வழிவகுக்குமென்பதில் ஐயமில்லை. இவ்வருடம் வெளியாகியுள்ள சிவப்புத் தரவுப் பட்டியலானது காலநிலை மாற்றத்தால் ஏறத்தாழ 10 இனங்கள் அச்சுறுத்தலுக்குள்ளாகியிருப்பதாகத் தெரிவிக்கின்றது.
துருவப் பகுதிகளில் வாழுமினங்கள் சமுத்திரங்களின் வெப்ப நிலையுயர்வு, அதிகரிக்கும் காபனீரொட்சைட் காரணமாக ஏற்படும் அமிலத்தன்மை அதிகரிப்பு, உருகும் பனிக்கட்டிகள் போன்ற பல காரணிகளால் பாதிப்படைகின்றன.
சமுத்திரங்கள் அமிலத்தன்மையடைவதால் அவற்றில் வாழும் ஒருவகை மீனினம் (Clown Fish) தனது நுகர்வாற்றலை இழக்கின்றது- இதனால் தான் தங்கி வாழும் அனிமணியைத் தேடிப் பிடிப்பதில் பல சிரமங்களை எதிர்நோக்குவதால் அழிவுக்குள்ளாகின்றது. சமுத்திரங்களில் கலக்கும் காபனீரொட்சைட், முருகைக் கற்பாறைகளையும் அழிவுக்குள்ளாக்கும்.
வர்த்தக ரீதியாகப் பாரியளவில் முதலிடப்படுகின்ற மீன்பிடித் தொழில் சல்மன் எனப்படும் மீனினத்திலேயே அதிகளவில் தங்கியுள்ளது. நீரின் வெப்பநிலை காரணமாக நீரின் ஒட்சிசன் மட்டம் குறைக்கப்படுவதால் இம்மீனினம் நோய்வாய்ப்படுதல் அதிகரித்துள்ளதுடன் அதன் இனப் பெருக்கச் செயற்பாடும் பாதிப்படைகின்றது
சூழலின் காபனீரொட்சைட் மட்டம் அதிகரிப்பதால் தரமான, போஷாக்குள்ள யூக்கலிப்றஸ் இலைகளின் எண்ணிக்கை குறைவடைவதால் அவுஸ்திரேலியாவுக்கேயுரித்தான கோலா கரடிகள் பெரும் அச்சுறுத்தலை எதிர்நோக்குகின்றன. விலங்கினங்கள் மட்டுமன்றித் தாவர இனங்களும் இத்தகைய அச்சுறுத்தலை எதிர்நோக்குகின்றன.
இனங்கள், பெரியளவிலான அழிவுகளையும் எதிர்நோக்குகின்றன. பூமி தோன்றிய காலத்திலிருந்து இன்று வரை ஆகக் குறைந்தது ஐந்து தடவைகளாவது இத்தகைய பெரியளவிலான அழிவுகள் இடம்பெற்றிருக்கக் கூடுமெனக் கூறப்படுகின்றது. கடந்த 3.5 பில்லியன் ஆண்டுகளுள் இத்தகைய நான்கு அழிவுகள் இடம்பெற்றுள்ளன. இதுவே டைனசோர் போன்ற பல உயிரினங்கள் அழிவடைந்தமைக்கும் காரணமாகும் உயிர்க்கோளமானது மனிதனால் அழிக்கப்படும் சந்தர்ப்பங்களிலும் அழிவுக்குள்ளாகும்.
இவை தவிர மனித உணவிற்காகவும் பொழுது போக்கு மற்றும் ஏனைய தேவைகளுக்காகவும் இனங்கள் அழிக்கப்படுதலானது இன்று அதிகரித்து வருகின்றது. விலங்குகளை வேட்டையாடும் தொழில்நுட்பம் வளர்ந்துள்ளமை இந்நிலையை மேலும் அதிகரித்துள்ளது- விலங்குகள் மற்றும் சில தாவரங்களினால் உற்பத்தியாகும் பொருட்கள் அதிகளவில் விற்கப்படுவதால் தோல், கொம்பு, மருந்து, தளபாடம் போன்ற பல பொருட்களுக்காகவும் தேவைகளுக்காகவும் உயிரினங்கள் வேட்டையாடப்பட்டு வருவதுடன் தாவரங்களும் அழிக்கப்படுகின்றன.
பல உயிரினங்கள் செல்லப் பிராணிகளாக மாறி வருவதாலும், காடுகளில் அவற்றின் இனம் அழிவடைகின்றது.
மற்றைய இனங்களை எல்லாம் பாதிப்புக்கு உள்ளாக்கித் தான்மட்டும் சுகபோகத்தை அனுபவிக்க எண்ணும் சுயநலம் மிக்க இனமாகவே மனித இனம் தென்படுகின்றது- இன்று எமது வாழ்வியல் அச்சுறுத்தலுக்குள்ளாக ஆரம்பித்துள்ள போது, மற்றைய இனங்கள் பற்றிய கரிசனையைச் சுயநலத்துடன் அதிகரிக்கின்றோம்.
ஏழைகளை ஏழைகளாகவே வைத்திருந்து, பணக்காரர்கள் இன்னும் சீர்பெற்று உலகின் வளங்கள் யாவற்றையும் இந்த நூற்றாண்டிலேயே வெறுமையாக்கித் தன் கடல்களில் பிளாஸ்டிக், எண்ணெய்க் கழிவுப் பொருட்களை நிரப்பிப் பறவைகளையும் மிருகங்களையும் வாழ விடாமல் செய்து, பணத்தில் சீர் பெற்று மனதின் சீர் அழித்து குற்ற உணர்வுள்ள சுபிட்சம் பெறப் போகிறானா?’ என அண்மையில் மறைந்த எழுத்தாளர் சுஜாதா கேட்ட கேள்விக்கு பதில் சொல்லக் கடமைப்பட்டவர்கள் இன்றைய சந்ததியினரான நாங்களே!

வேடிக்கை மனிதரைப் போல நான் வீழ்வேன் என்று நினைத்தாயோ?

தொங்கும் கூட்டம் நடுவே
தொத்திப்பாய்ந்து ஒற்றைக்காலில்
ஒருகைப்பிடியில் அலைந்து
நின்றான அவன்!
சட்டெனத்திரும்பி
யன்னலினூடே ஒடும் மரங்களை
அதிசயித்துப்பார்த்து
பாவனை செய்தேன்!
ஒருமணி நேரம்
ஒற்றைக்காலில்
தொங்கிக்களைத்தவன்
ஏக்கமாய் முகம்பார்த்தான்!
என் இருக்கைத்தலைமேல்
அழகுவாசகமாய்
‘இது வலுவிழந்தோருக்கு’!
என்று யதார்த்தத்தைப் பிரதிபலிக்கிறான் கவிஞனொருவன். தமது சுயநலத்திற்காக மனித நேயத்தை மண்ணிற்குள் புதைக்கும் விந்தையான மனிதர்கள் நிறைந்த இப்பூவுலகைச் சளைக்காது எதிர்கொள்ளும் வலுவிழந்தோர் பாராட்டப்பட வேண்டியவர்களே.
இன்று ‘வலுவிழந்தோர்’ எனும் பதமானது அகராதிகளில் ‘மாற்றுத்திறன் படைத்தோர்’ எனும் பதத்தால் பிரதியீடு செய்யப்பட்டுள்ளது. இலங்கையைப் பொறுத்தவரையில் உடல், உள ரீதியான குறைபாடு காரணமாகத் தமது வாழ்வியல் தேவைகளைச் சுயமாக எதிர்கொள்ளமுடியாதவர்களே ‘மாற்றுத்திறன் படைத்தோர்’ எனச் சட்ட ரீதியாகக் கருதப்படுகின்றனர்.
சமூக அபிவிருத்தி அமைச்சு, விழிப்புலன், செவிப்புலன், பேச்சு, நகருதல், புரிந்து கொள்ளுமாற்றல், உளம் சார்ந்த விடயங்கள் தொடர்பான வலுவின் இழப்பைக் கருத்தில் கொண்டே இத்தகைய மாற்றுத்திறன் படைத்தோரை வகைப்படுத்துகிறது.
வலுவிழத்தல் எனப்படுவது பிறப்பினாலோ அல்லது பிறந்த பின்னர் ஏற்பட்ட விபத்து, நோய் போன்ற காரணிகளினாலோ உருவாகலாமெனக் கருதப்படுகிறது.
வயது வித்தியாசமின்றி விதிவசத்தால் எவரும், எச்சந்தர்ப்பத்திலும் வலுவிழந்தவராக மாறலாமென்ற உண்மையை மனித மனம் ஒருபோது உணருவதில்லை. வலுவிழந்தோரை வேற்று மனிதர்களாக நோக்கும் பிற்போக்கான மனப்பாங்கு இன்றும் எம்மிடத்தே காணப்படுகிறது.
உலகளாவிய மனித உரிமைப் பிரகடனம், வலுவிழந்தோரும் எந்தவகையான வேற்றுமைகளுமின்றி மனித உரிமைகளையும் சுதந்திரங்களையும் அனுபவிக்க உரித்துடையோரெனவும் குறிப்பிடுகிறது. சாதாரண மனிதர்களைப்போல மாற்றுத்திறனுடையோருக்கும் தமது அபிப்பிராயங்களை வெளிப்படுத்தவும், தாம் விரும்பிய தொழிலை மேற்கொள்ளவும், நியாயமான வாழ்க்கைத் தரத்தை அனுபவிக்கவும் உரிமையுள்ளதென்பது சமூகத்தால் முற்று முழுதாக உணரப்படவில்லை.
இன்று முழு உலகுமே எதிர்நோக்கும் சுகாதாரப் பிரச்சினைகளுள் வலுவிழத்தல் தொடர்பான பிரச்சினைகளே முன்னணியில் திகழ்கின்றன. குழந்தையொன்று வலுவிழந்த குழந்தையாகப் பிறக்கக் கூடிய சந்தர்ப்பங்கள் குறைக்கப்பட்டுள்ள போதிலும் அதிகரிக்கும் புதிய வகை நோய்களும் விபத்துக்களும், வன்முறைகளும் உலகளாவிய ரீதியில் வலுவிழந்தோரின் சதவீதத்தை அதிகரிப்பதில் பெரும்பங்காற்றுகின்றன.
இத்தகைய மாற்றுத்திறன் படைத்தோர், அடிப்படை மற்றும் புனர்வாழ்வு வசதிகளுக்கான வாய்ப்புகள் மிகவும் குறைந்தளவில் காணப்படுகின்ற வறிய நாடுகளிலேயே அதிகளவில் வசிக்கின்றனர்.
உலக சனத் தொகையில் 5 சதவீதமானோர் மாற்றுத்திறனுடையவர்களெனவும் அவர்களில் இருபது சதவீதமானோர் வறுமைக் கோட்டுக்குட்பட்டவர்களெனவும் உலக வங்கியின் தரவுகள் தெரிவிக்கின்றன.


2001 ஆம் ஆண்டு மேற்கொள்ளப்பட்ட குடிசனத்தொகை மதிப்பீடானது இலங்கையின் சனத்தொகையில் 1.6 சதவீதமானோர் மாற்றுத்திறனுடையோரெனக் குறிப்பிடுகிறது.
2003 ஆம் ஆண்டு ஐ. நா. ஸ்தாபனத்தால் மேற்கொள்ளப்பட்ட ஆய்வுகளினடிப்படையில் இலங்கையின் சனத்தொகையில் ஏழு சதவீதமானோர் மாற்றுத்திறனுடையோரெனத் தெரிய வருகின்றது.
தற்போது இச்சதவீதம் மேலும் அதிகரிக்கப்பட்டிருக்கலாமெனவும் கருத்தப்படுகிறது.
இலங்கையின் இலவசக் கல்வித் திட்டம், சகலரும் கல்வி கற்கும் உரிமையைப் பெற்றுக்கொள்ள ஏதுவாக அமைகிறது. மாற்றுத்திறனுடையோரில் 69.3 சதவீதமானோர் பாடசாலைக் கல்வியை ஏதோ ஒரு மட்டம் வரையிலாவது பெற்றிருக்கின்றனர். அவர்களில் 3 சதவீதமானோர் மட்டுமே, க.பொ.த. உயர்தரக் கல்வித் தகைமைகளையுடையவர்களாவர்.
பல்கலைக்கழக அனுமதியில் மாற்றுத்திறன்மிக்கோருக்காக, குறிப்பிட்ட சதவீத இடஒதுக்கீடு வழங்கப்பட்டுள்ளது. பல்கலைக்கழகங்களில் மாற்றுத்திறனுடைய மாணவர்களை இன்று சகஜமாகக் காண முடிகின்ற போதிலும், அவர்கள் கல்வியை இடையில் நிறுத்துவதற்கு சக மனிதர்களின் ஆதரவின்மை, போக்குவரத்துப் பிரச்சினைகள், இவர்களின் கல்வி தொடர்பாகப் பெற்றோர்களின் மனப்பாங்கு, அவர்கள் கற்பதற்கான உபகரணங்கள், மற்றும் வசதிகள் தொடர்பான குறைபாடுகள் போன்ற பல காரணிகள் ஏதுவாக அமையலாம்.
இலங்கையில், தொழில்புரியக் கூடிய மாற்றுத்திறனுடையோரில் 85 சதவீதமானோர் தொழில் வாய்ப்பற்றவர்களாகவே காணப்படுகின்றனர்.
அரச கருமபீடங்களின் ஆளணியில் 3 சதவீதமான இட ஒதுக்கீடு மாற்றுத்திறனுடையோருக்காக வழங்கப்பட்டுள்ள போதிலும் இத்தகைய சலுகைகள் தொடர்பான விழிப்புணர்வின்மையும், அவர்கள் நடைமுறையில் எதிர்நோக்கும் பல்வேறு சிக்கல்களும் அவர்கள் தொழில்வாய்ப்பைப் பெற்றுக்கொள்வதற்கான தடைக்கற்களாக அமைகின்றன.
அரச, அரசசார்பற்ற நிறுவனங்களும் பொது அமைப்புக்களும் மாற்றத்திறனுடையோருக்குச் சமூக அங்கீகாரத்தை வழங்கும் முகமாகச் சமூக மட்டத்தில் அவர்களுக்கான அமைப்புக்களைத் தோற்றுவிப்பதிலீடுபடுவதுடன் பல்வேறுபட்ட செயற்திட்டங்களிலும் ஈடுபட்டு வருகின்றன.
பிறப்பினால் ஏற்படும் குறைபாடுகளைத் தவிர்க்க, கிராமங்கள் தொட்டு நகரங்கள் வரை பெரும்பாலான கர்ப்பிணித் தாய்மாரின் சுகாதார, மருத்துவத் தேவைகள் தொடர்பான சேவைகள் அபிவிருத்தி செய்யப்பட்டுள்ளன.
இலங்கையில் மாற்றுத்திறன் மிக்கோர் தொடர்பாகத் தேசிய ரீதியிலான பல்வேறுபட்ட கொள்கைகள் நடைமுறையிலுள்ளன. 1988 ஆம் ஆண்டு அமுலுக்கு வந்த பொது நிர்வாகச் சுற்று நிருபத்திலிருந்து 2003 ஆம் ஆண்டிலிருந்து நடைமுறைப்படுத்தப்பட்டு வரும் வலுவிழத்தல் தொடர்பான தேசிய கொள்கையுட்படப் பல கொள்கைகளையும் சட்டங்களையும் உதாரணமாகக் கூறலாம். இக்கொள்கைகளினடிப்படையில் பல திட்டங்கள் நடைமுறைப்படுத்தப்படுகின்றன.
1997 ஆம் ஆண்டு ஆரம்ப நிலைக் கல்வி தொடர்பான சீர்திருத்தங்கள், மாற்றுத்திறனுடைய சிறுவர்களையும் ஏனைய சிறுவர்களுடன் ஒருங்கே இணைத்துக் கல்வியைக் கற்பிக்க வழிவகுத்தது. தேசிய கல்வி நிறுவகம், மாற்றுத்திறனுடையோருடைய கல்வியின் அபிவிருத்தி தொடர்பான பல செயற்திட்டங்களை மேற்கொண்டு வருகிறது.
இலங்கையின் சுகாதாரம் தொடர்பான கொள்கைகள் மக்களின் வாழ்க்கைத்தரத்தை உயர்த்துவதிலும் நோய்கள் மற்றும் பிறவிக்குறைபாடுகளைத் தடுப்பதிலும் பெரும்பங்காற்றுகிறது. மாற்றுத்திறனுடையோரை விளையாட்டுக்களிலீடுபடுத்தும் செயற்திட்டங்களும் நடைமுறையிலுள்ளன.

விளையாட்டு வீரர்களிலிருந்து அனைவரும் ஆவலுடன் எதிர்பார்த்துக் காத்திருக்கும் ஒலிம்பிக் விளையாட்டுக்கு நிகராக மாற்றுத்திறன் படைத்தோரையும் விளையாட்டுத்துறையில் சாதனை படைக்கத் தூண்டும் வகையில் ‘பராலிம்பிக்’ எனும் பெயரிலான சிறப்பு ஒலிம்பிக் போட்டி நான்கு வருடங்களுக்கொருமுறை நடத்தப்பட்டு வருகிறது.
1948 ஆம் ஆண்டு இங்கிலாந்தில் நடைபெற்ற ஒலிம்பிக் போட்டியின் ஆரம்ப தின வைபவத்தின் போது இரண்டாம் உலக மகா யுத்தத்தால் வலுவிழந்தவர்களாக மாற்றப்பட்ட போர் வீரர்களை ஊக்குவிக்கு முகமாக அவர்களுக்கான சிறப்பு விளையாட்டுப் போட்டி ஒன்று நடத்தப்பட்டது.
அதனைத் தொடர்ந்து 1952 ஆம் ஆண்டிலிருந்து நான்கு வருடங்களுக்கொருமுறை பராலிம்பிக் போட்டிகளும் நடைபெற்று வருகின்றன. இவை தவிர உலகளாவிய ரீதியிலும், நாடளாவிய ரீதியிலும் இத்தகைய பல விளையாட்டுப் போட்டிகள் நடைபெற்று வருகின்றன.
மாற்றுத் திறனுடைய இளைஞர்களுக்கான தொழிற் பயிற்சிகளும், தகவல் தொழில்நுட்பத் துறையிலான அறிவூட்டல் நடவடிக்கைகளும், தொழில் வாய்ப்புக்களும் நாடளாவிய ரீதியில் வழங்கப்பட்டு வருகின்றன.
இவைதவிர அவர்களின் திறன்களை மேலும் அபிவிருத்தி செய்வதற்கான பயிற்சிகள் ஆற்றுப்படுத்தல் சேவைகள், சிறிய அளவிலான கடன் திட்டங்கள், வருமானத்தைப் பெற்றுக் கொள்ளக்கூடிய வழிகள், இளைஞர் கழகங்களின் உருவாக்கம், கலாசார நிகழ்வுகள், விளையாட்டு மற்றும் பொழுது போக்கு நிகழ்ச்சிகள் போன்ற பல செயற்திட்டங்கள் நடைமுறைப்படுத்தப்பட்டு வருகின்றன.
அத்துடன் மாற்றாற்றலுடையோர் தொடர்பான கொள்கைகளை வகுப்பதிலும், ஆய்வுகளை மேற்கொள்வதிலும், பயிற்சி நிகழ்வுகளைத் திட்டமிட்டு, ஏற்பாடு செய்து, மதிப்பீட்டை மேற்கொள்ளவதிலும் மாற்றாற்றலுடைய இளைஞர்களின் பங்களிப்பு உறுதி செய்யப்படுகிறது.
தேர்தல்களில் மாற்றுத்திறனுடையவர்களின் வாக்களிக்கும் உரிமையை மதிக்கும் வகையில் அவர்கள் இன்னொருவரின் உதவியுடன் வாக்களிக்கக் கூடிய வகையிலான ஆயத்தங்களும் மேற்கொள்ளப்பட்டுள்ளன.
இவைதவிர போக்குவரத்து முறைமைகளிலும், பாடசாலைகள், பொது இடங்கள் போன்றவற்றிலும் மாற்றாற்றல் மிக்கோர் சகஜமாகத் தொழிற்படக்கூடிய வகையில் வசதிகள் செய்யப்பட்டு வருகின்றன.
குடும்பத்தவர்களும் பெற்றோர்களும் இத்தகைய விடயங்கள் தொடர்பாக அறிவூட்டப்படுவதுடன் அவர்களுக்கு இவ்விடயம் தொடர்பான ஆலோசனைகளையும் ஆற்றுப்படுத்தல் சேவைகளையும் வழங்குவதற்கான நடவடிக்கைகள் மேற்கொள்ளப்பட்டுள்ளன.
மாற்றாற்றலுடைய வர்களுக்கான ஓய்வூதியத்திட்டங்களும் காப்புறுதித் திட்டங்களும் நடைமுறையிலுள்ளன.
அத்துடன் அவர்கள் ஓரளவாவது சுயமாகத் தொழிற்படக் கூடிய வகையில் முச்சக்கர வண்டிகள், சக்கர நாற்காலிகள், செவிப்புலன் மற்றும் விழிப்புலனிழந்தோருக்கான கருவிகள், ஏனைய அத்தியாவசியமான மருத்துவ உபகரணங்களுட்படப் பல உபகரணங்களும் வழங்கப்பட்டு வருகின்றன.
மாற்றுத்திறனுடையோரின் வாழ்வை மேம்படுத்துமுகமாக உலக சுகாதார ஸ்தாபனமும் பல்வேறு நடவடிக்கைகளில் ஈடுபட்டு வருகிறது.
அத்தகையோர் தொடர்பான தேசிய கொள்கைகளை வகுப்பதற்கும், அக்கொள்கைகளினடிப்படையில் பொதுமக்களின் ஒத்துழைப்புடன் அபிவிருத்திச் செயற்றிட்டங்களை மேற்கொள்வதற்குமான உதவிகளை வழங்கிவருகிறது. சர்வதேச ரீதியிலான வகைப்படுத்தலினடிப்படையில் நாடுகளில் காணப்படும் பல்வேறுபட்ட சுகாதார நிலைகளை இனங்காண்பதற்கும் உதவி வருகிறது.
வலுவிழத்தல் தொடர்பான பிரச்சினைகளை ஆரம்பத்திலேயே இனங்கண்டு அவற்றைப் பரிகரிக்க வழிசெய்வதுடன் பாதிக்கப்பட்டோரை வழி நடத்தத் தேவையான உபகரணங்கள், அவர்களுக்கேற்றவாறு அவர்கள் வாழும் சூழல் மாற்றியமைக்கப்பட வேண்டிய முறைமைகள் தொடர்பான உதவிகளையும் வழங்கி வருகிறது. குறிப்பாக வறிய மக்கள் மத்தியில் மனித உரிமைகள் தொடர்பாகவும் யாவருக்கும், யாவற்றிலும் சமவாய்ப்பு வழங்கப்பட வேண்டுமென்பது பற்றியும்
இவையாவற்றிற்கும் அப்பால் நாம் ஒவ்வொருவரும் எமக்கான பொறுப்பையுணர்ந்து செயற்பட வேண்டும். எதிர்காலத்தில் நாம் வலுவிழந்தோராக மாறுவதற்கான சந்தர்ப்பங்களையும், வலுவிழந்தோரை உருவாக்கும் சந்தர்ப்பங்களையும் குறைப்பதற்கான முயற்சிகளிலீடுபட வேண்டும்.
இன்று ஒருவர் வலுவிழந்தவராக மாறுவதற்கான முக்கிய காரணிகளாக விபத்துக்களும் வன்முறைகளுமே அமைகின்றன. விபத்துக்களானவை பெரும்பாலான சந்தர்ப்பங்களில் எமது கவனக்குறைவினாலேயே ஏற்படுகின்றன.
வீடுகளிலும் வெளியிடங்களிலும் நாம் மிகுந்த அவதானத்துடன் செயற்பட ஆரம்பித்தால், பெரும்பாலான விபத்துக்கள் தவிர்க்கப்படலாம். அதேசமயம், விபத்து ஒன்று நடைபெற்ற சந்தர்ப்பத்தில் பாதிக்கப்பட்டவரின் உயிரைக் காப்பாற்றுவதுடன், எமக்கும், சுற்றியுள்ளோருக்கும் எந்தவித ஆபத்தும் ஏற்படாத வகையில் செயற்படக்கூடிய விதமாக சம்பவ முகாமைத்துவம், மற்றும் அடிப்படை முதலுதவி தொடர்பான அறிவை நாம் ஒவ்வொருவரும் பெற்றிருத்தல் அவசியமாகிறது.
வன்முறைக் கலாசார மற்ற எதிர்காலச் சந்ததியை உருவாக்குவதிலும் நாம் பெரும் பங்கை வகிக்க வேண்டும்.
மாற்றுத்திறன் படைத்தோரையும் சக மனிதர்களாகவே கருத வேண்டும். அவர்களின் மனம் நோகும்படியான வார்த்தைப் பிரயோகங்களைத் தவிர்க்க வேண்டும்.
எமது சொல்லும் செயலும் அவர்களை ஊக்கப்படுத்துவதாக மட்டுமே அமைய வேண்டும். மாற்றுத்திறனுடைய ஒருவரைப் பற்றி எழுதும் சந்தர்ப்பத்தில் அவரால் இழக்கப்பட்ட வலுவுக்கு முக்கியத்துவம் வழங்காமல் அந்த நபருக்கும் அவரின் ஆற்றலுக்குமே முக்கியத்துவத்தை வழங்க வேண்டும். ‘விழிப்புலனிழந்த சிறுமி’, ‘ஊமைச் சிறுவன்’ போன்ற சொற்பதங்களின் பிரயோகம் தவிர்க்கப்படுதல் நன்று.
மாற்றுத்திறன் படைத்தோரைச் சந்திக்கும் சந்தர்ப்பங்களில் அவர்களையும் சக மனிதர்களாகக் கருதிச் சமமாக அமர்ந்து கதைத்தல், கை குலுக்குதல் போன்ற சாதாரண செயற்பாடுகளில் பங்கெடுக்க வேண்டும். அத்தகைய நபரொருவரின் பேச்சு தெளிவில்லாமல் இருப்பதன் காரணமாக அவர் சொல்வதை எம்மால் விளங்கிக் கொள்ள முடியாது போனால், மீளக்கேட்டறிய வேண்டுமே தவிர விளங்கிக் கொண்டது போல் பாவனை செய்யக்கூடாது.
மாற்றுத்திறன் படைத்த ஒருவருக்கு உதவி தேவைப்படுகிறதென அறிந்தால், அவரின் அனுமதியைப் பெற்ற பின்னர் உதவி செய்வதே சிறந்தது.
செவிப்புலனிழந்த ஒருவருடன் கதைக்க வேண்டுமெனின் அவருடைய தோளை மெதுவாகத்தட்டி அவரது முகத்தை நோக்கித் தெளிவாகக் கதைக்க வேண்டும்.
வெளிநாடுகளில் நாய் போன்ற மிருகங்களுக்கு மாற்றுத்திறன் படைத்தோரை வழிநடத்துவதற்கான பயிற்சிகள் வழங்கப்பட்டு அப்பயிற்சிகளினடிப்படையில் மாற்றுத்திறன் படைத்தோரை அவை வழி நடத்திச் செல்லும். அவ்வாறு வழி நடத்திச் செல்லப்படும் மாற்றுத்திறனுடையோரைச் சந்திக்க நேர்ந்தால், அவர்களை வழி நடத்திச் செல்லும் மிருகங்களைச் சீண்டக் கூடாது. அவ்வாறு சீண்டினால் அம்மிருகங்கள் தமது பயிற்சியை மறந்து செயற்பட ஆரம்பிக்கும்.
இது அம்மாற்றுத் திறனுடையோரை அசெளகரியங்களுக்குள்ளாக்கும். சக்கர நாட்காலி பாவிப்போருடன் கதைக்கும் போது அவர்களது கண்மட்டத்திலிருந்து கதைக்க வேண்டும். அத்துடன் அவர்களை வழிநடத்தும் உபகரணங்களைப் பிடித்தபடி கதைப்பதைத் தவிர்க்க வேண்டும்.
எமது குழந்தைகளோ, சகோதரரோ, உறவினர்களோ அல்லது நண்பர்களோ மாற்றாற்றலுடையவர்களாகவிருந்தால், அவர்களுக்கும் சிறந்ததோர் எதிர்காலம் காத்திருக்கிறது என்ற எண்ணத்தை ஊட்டும் வகையில் நாம் செயற்பட வேண்டும். அத்துடன் நாம் இறந்தபின் எமது கண் போன்ற உறுப்புக்களைத் தானம் செய்வதற்கான நடவடிக்கைகளில் ஈடுபடலாம்.
வெகுசனத் தொடர்பு ஊடகங்களும் பொதுமக்கள் மத்தியில் மாற்றாற்றலுடையவர்கள் தொடர்பான விழிப்புணர்வை ஏற்படுத்துவதில் முன்னணி வகிக்க வேண்டும். தொலைக்காட்சி நிகழ்ச்சிகளைச் செவிப்புலனற்றவர்களுக்காக ஒரே நேரத்தில் சைகை மொழி மூலமும் உபதலைப்புக்களுடன் ஒளிப்பரப்ப முயலலாம்.
விழிப்புலனிழந்தவர்களின் வாழ்வில் புதிய திருப்புமுனையை உருவாக்கிய ஹெலன் கெல்வர், நவீன விஞ்ஞான யுகத்திற்கு வித்திட்ட அணு விஞ்ஞானி அல்பேர்ட் ஜன்ஸ்டீன், இன்று முழு உலகையுமே ஒளியூட்டிக் கொண்டிருக்கும் மின் குமிழ்களை முதன் முதலில் கண்டுபிடித்த தோமஸ் அல்வா எடிசன் தொட்டு உலகப் புகழ்பெற்ற பெளதீகவியலாளரான சார்ள்ஸ் ஹோக்கின்ஸ், பாரம்பரிய நடனக் கலைஞரான சுதாசந்திரன் வரை மாற்றாற்றலுடைய பலர் எத்தனையோ சாதனைகளை நிலைநாட்டியிருக்கின்றார்கள். இன்னும் முகம் தெரியாத பலர் நிலைநாட்டிக் கொண்டிருக்கின்றார்கள்.
இவர்களெல்லாம், “பல வேடிக்கை மனிதரைப் போலே நான் வீழ்வேன் என்று நினைத்தாயோ?” என்ற பாரதியின் வரிகளை நெஞ்சுயர்த்திப்பாடுபவர்களாகவே தெரிகின்றனர். மாற்றுத்திறன் படைத்தோரின் நம்பிக்கை நட்சத்திரங்களாகத் திகழும். இத்தகையோரின் வழியில் ஏனையோரும் சென்று சாதிக்க நாம் யாவரும் ஒன்று சேர்ந்து வழிசெய்ய வேண்டும்.
உலகமயமாதலையும் தாண்டி வேற்றுமைகளின்றிய உலகைத் தோற்றுவிக்க ஒன்றிணைவோமாக!

வேற்றுக்கிரகவாசிகள் பு+மியை உளவு பார்க்கின்றனரா?

வேகமாக வளர்ச்சி கண்டுவரும் நவீன விஞ் ஞான உலகையே வியப்புக்குள் ளாக்கித் தம்பக்கம் திரும்ப வைக் கும் பல நிகழ்வுகள் அன்றாடம் நடந்தபடிதான் இருக்கின்றன.
2002 ஆம் ஆண்டளவில் இலங் கையின் புராதன பிரதேசமான திம்புலாகலைக்குன்றின் உச்சியில் பிரதேசவாசிகள் விசித்திரமான நீலநிற ஒளியை அவதானித்தனர்.
அதே காலத்தில் பொலன்ன றுவை, அனுராதபுரம் வாசிகளும் அத்தகைய புதுமையான ஒளியை அவதானித்தனர். அவ்வொளி, பறக்கும் தட்டினுடையதாகவோ அல்லது வேற்றுக்கிரகவாசிகளு டன் தொடர்புடைடையதாகவோ இருக்கலாமெனப் பல ஊகங்கள் வெளியிடப்பட்டன.
உலகளாவிய ரீதியில் இத்தகைய பல நிகழ்வுகள் அவதானிக்கப் பட்டு வந்துள்ளன. ஆனால் இன் றுவரை இவை இத்தகையனதா னென விஞ்ஞானத்தால் வரைய றுத்துக்கூற முடியவில்லை. எனி னும் அது பல ஊகங்களை வெளியிட்டுள்ளது.
அண்டவெளியெனப்படுவது இன்றும் கூடப் பல ஊகங்களும் பிரமிப்புக்களும் நிறைந்ததாகவே காணப்படுகிறது. அண்டவெளி யானது பல்வேறு விதமான கோள்கள், நட்சத்திரங்கள், எரிகற்கள், வேறு பொருட்களுட்ப டப் பல்லாயிரம் பில்லியன் பொரு ட்களைத் தன்னகத்தே கொண்டுள் ளது.
நாங்கள் காணும் சூரியனும் ஒரு நட்சத்திரமே. அதைப் போன்று ஏறத்தாழ 500 பில்லியன் சூரியன்கள் அண்டவெளியில் காண ப்படுகின்றன. அண்டவெளியிலு ள்ள நட்சத்திரங்களை ஒரு நொடி இடைவேளை கூட விடாமல் எண்ணுவோமானால் எண்ணி முடிக்க ஆகக் குறைந்தது 60,000 வருடங்களாவது ஆகுமெனக் கணக்கிடப்பட்டுள்ளது.
புவியானது சூரியக்கிரகக் குடும் பத்திலுள்ள ஒன்பது கோள்களி லொன்றாகும். சூரியனையும் அதனைச் சுற்றிவரும் கோள்களை யுமே சூரியக்குடும்பம் அல்லது சூரியத்தொகுதியென்றழைப்பர். இச் சூரியத்தொகுதி போன்ற 240 சூரியத் தொகுதிகள் இனங்காணப்பட்டுள்ளன.
நம்பமுடியாதளவு பெரிய அண்ட வெளியினளவானது வேறு உயிரினங் களையுடைய கோள்கள் பற்றிய எண் ணக்கருவுக்கு வித்திடுகின்றதென்பதில் எதுவித ஐயமுமில்லை. விபரிக்க முடியாத பல வானியல் அவதான ங்கள் பண்டைக்காலம் தொட்டு வரலாற்றில் பதியப்பட்டுள்ளன.
அவற்றில் சில முற்றிலும் வானியல் தொடர்பானவை. சில, வானியல் கொள்கைகளுக்கப்பாற்பட்டவை. பறக்கும் தட்டு போன்ற அத்தகைய அவதானங்களை ‘அடையாளம் காணப்படாத பறக்கும் பொருட் கள்’ என நவீன விஞ்ஞானம் குறிப்பிடுகிறது.
கி. மு. 384 இல் கிரேக்க தத்துவஞானி அரிஸ்டோட்டில், விண்ணில் தான் கண்ட விசித்தி ரப் பொருட்களைச் ‘சொர்க்கத்தின் தட்டுக்கள்’ என விபரித்திருந்தார். கி. மு. 329 இல் மாவீரன் அலெக்சாண்டருடனான கிரேக்க இராணுவத்தின் இந்தியா நோக்கிய படை நகர்வை, வெள்ளிக்கேடயங்களையொத்த விசித்திரமான பறக்கக்கூடிய பொருட்கள் இடைமறித்தனவென வும் கூறப்படுகின்றது.
கி.பி. பதினோராம் நூற்றாண் டில் வாழ்ந்த சீனக் கல்வியாள ரான ஷென்குவே என்பவர், தான் எழுதிய கட்டுரையில், தன்னால் அவதானிக்கப்பட்ட இத்தகைய பறக்கும் பொருட்களைப் பற்றியு மெழுதியிருந்தார். அத்துடன் அப்பறக்கும் பொருளின் கதவுகள் திறக்கப்படக் கூடியதாகவும் அது ஒளி வீசக் கூடியதாகவும் அதிவே கமாகச் செல்லக்கூடியதாகவுமிருந் ததாகக் குறிப்பிட்டிருந்தார்.
மறு மலர்ச்சிக்கால ஓவியங்க ளில் இத்தகைய பொருட்களைக் காணக்கூடியதாகவிருந்த போதி லும் அன்றைய காலங்களில் அவற்றிற்குச் சமய ரீதியிலான விளக்கமேயளிக்கப்பட்டது.
1878இல் ஜோண்மார்டின் என்ற சாதாரண விவசாயி மிகப் பெரிய கருமையான வட்டவடிவப் பறக் கும் பொருளொன்றை அவதானி த்தார். அப்பொருள் தட்டுப்போ ன்று காணப்பட்டதால் ‘பறக்கும் தட்டு’ எனப் பெயரிடப்பட்டது.
1950’ களின் ஆரம்பம் வரை இத்தகைய அவதானங்களைப் பறக்கும் தட்டுக்களென்றே அழைத்து வந்தனர். 1952 இல் ஏற்கனவே பெறப்பட்ட பலவகை ப்பட்ட அவதானங்களினடிப்படை யில் இத்தகைய பொருட்கள் ‘அடையாளம் காணப்படாத பொருட்கள்’ எனப் பெயரிடப்பட்டன.
விமானங்களைப் போலவோ அல்லது ஏவுகணைகளைப் போலவோ அல்லாமல் முற்றி லும் வேறுபட்ட வகையில் செய ற்படக் கூடிய, வானில் பறக்கி ன்ற, விமானங்களல்லாத சகல பொருட்களும் இவ்வகைக்குள் அடங்குகின்றன. இதற்குப் பின்னரான காலப் பகுதிகளில் இத்தகைய பொருட்கள் பல நாடுகளில் அவதானிக்கப்பட்டன. இப்பொருட்கள் தொடர்பான ஆய்வுகளைப் பல நாடுகள் மேற்கொள்ள ஆரம்பித்தன.


1980களில் இப்பொருட்கள் தொடர்பாகப் புதிய திருப்புமு னையொன்று ஏற்பட்டது. விஞ் ஞானப்புனைகதை எழுத்தாளர்க ளும், திரைப்பட மற்றும் நாடக இயக்குநர்களும் வேற்றுக்கிரக மனிதர்கள், பறக்கும் தட்டுக்கள் தொடர்பான பலவித கருப்பொரு ட்களையுடைய ஆக்கங்களையுரு வாக்கிப் பல்வேறுபட்ட ஊகங்க ளுக்கு வழிவகுத்தனர்.
இவ்வேற் றுக் கிரகங்களைச் சேர்ந்த மனித ர்கள் இயற்கையை மீறிய சக்தி யையும் தோற்றத்தையுமுடையவர் களாகச் சித்தரிக்கப்பட்டனர். இது கற்பனையாகவிருந்தாலும் விடை காணமுடியாத பல வினாக்களு க்கு ஊகங்கள் மூலம் விடையளி த்தது. மிகவும் பிரபல்யமான ‘எக்ஸ் பைல்ஸ்’ (X- Files) போன்ற தொலைக்காட்சித் தொடர்களும் ‘கடவுளின் ரதங்கள்’(Chariots of god) போன்ற புத்தகங்களும் மிகச்சிறந்த உதாரணங்களாகும்.
ராடர்களில் கூடச் சில புதிய பொருட்கள் பதியப்பட்ட ஆதார ங்களுள்ளனவென்பது மறுக்க முடியாத உண்மையாகும். இவை தவிர இத்தகைய பொருட்கள் பூமியில் இறங்கியதால் நில மேற் பரப்பில் ஏற்பட்ட அடையாளங் கள், அவை இறங்குமிடங்களில் வசிக்கும் மக்களுக்கும் விலங்குக ளுக்கும் ஏற்பட்ட பாதிப்புக்கள் போன்ற பல ஆதாரங்களும் பல் வேறு ஊகங்களைத் தோற்றுவிக் கின்றன. அத்துடன் இப்பொருட் கள் ஒளியைவிட வேகமாகப் பயணிக்கக் கூடியவையென்ற ஊகங்களும் காணப்படுகின்றன.
அடையாளம் காணப்படாத பறக்கும் பொருட்கள் தட்டு வடிவம், நீள்வட்ட, செவ்வக, முக்கோண வடிவத்துடன் ஒரு சக்கரம் அல்லது இரண்டு சக்கரங் களையுடையனவாகவும் பல்வேறு பட்ட அளவுகளிலும் காணப்படுவ தாக விபரிக்கப்படுகின்றன. அவற் றில் சிலவுடன் ஏறத்தாழ 4 அடி அல்லது 2 அடி உயரமான வித்தி யாசமான தோற்றத்தையுடைய மனிதர்களும் காணப்பட்டதாகக் கூறப்படுகின்றது.
குறிப்பாக அமெரிக்கா போன்ற சில அரசாங்கங்கள் இத்தகைய அடையாளம் காணப்படாத பறக் கும் பொருட்கள் தொடர்பான ஆய்வுகளை மிகவும் இரகசியமாக மேற்கொண்டு வருவதாகவும் தகவல்கள் தெரிவிக்கின்றன.
அமெரிக்காவின் நெவடா பாலைவனத்தின் ஒரு பகுதியான ‘பிரதேசம் 51’ எனப் பெயரிட ப்பட்ட பிரதேசத்தினுள் இத்த கைய வேற்றுக்கிரகவாசிகள் உயி ருடனும் உயிரின்றியும் மறைக்கப் பட்டு வருவதாகச் செய்திகள் உலவியதுண்டு.
அமெரிக்க அரசு ‘பின்னோக்கிய பொறியியல்’ முறைமையின் துணையுடன் இத்தகைய அடையாளம் காண ப்படாத பறக்கும் பொருட்களின் தொழில் நுட்பத்தை ஆராய்ந்து வருவதாகவும், இத்தொழில் நுட்பத்தையடிப்படையாகக் கொண்டு பி- 2 வகையைச் சேர்ந்த மிக வேகமாகப் பயணிக்கக் கூடிய விமானப்படை விமானங்களை வடிவமைத்துள்ள தாகவும் ஆதாரமற்ற தகவல்கள் வெளியானமை குறிப்பிடத்தக்கது.
அமெரிக்காவின் தேசிய பாதுகாப்பின் நிமித்தம், இத்த கைய பல ஆய்வுகளின் விபரங் கள் வெளியிடப்படவில்லை யென்பதும் பலரது ஊகம்.
நாம் வாழும் புவியிலுள்ள சூரியத் தொகுதி போல வேறுபல சூரியத் தொகுதிகளும் அண்ட வெளியில் காணப்படுகின்றன வென ஆதாரபூர்வமாக நிரபிக்கப் பட்டுள்ள நிலையில், புவியைப் போல உயிரினங்களின் தோற்றத் துக்கும் நிலைப்புக்கும் ஏதுவான சூழலையுடைய வேறு கோள்கள் அச்சூரியத் தொகுதிகளிலும் காண ப்படலாம் என்ற ஊகங்களை மறு க்க முடியாது.
இந்த ஊகங்கள் தான் தர்க்க ரீதியான ஆதாரங் களை முன் வைப்பதற்கு அடிப்ப டையாக அமைகின்றனவெனி னும், இப்பொருட்கள் தொடர்பான தர்க்க ரீதியான ஆதாரங்கள் எவையும் இதுவரை முன்வைக்கப்படவில்லை என்பதே வெளிப்படையான உண்மையாகும்.
மனிதனதும், ஏனைய உயிரினங்களினதும் உடலியல் கட்டமைப்புக்கும் வாழ்வின் நிலைப்புக்கும் அடிப்படையாக அமையும் காபன், ஐதரசன், ஒட்சிசன், நைதரசன் போன்ற முக்கியமான மூலகங்களைப் போல, அத்தகைய வேற்றுக்கிரக உயிரினங்களின் தோற்றத்துக்கும் நிலைப்புக்கும், மனிதனால் அறியப்படாத வேறு பல மூலகங்கள் கூடக் காரணமாக இருக்கலாம். அவ்வேற்றுக் கிரகவாசிகள் வித்தியாசமான உடலமைப்பையுடையவர்களாகவும் காணப்படலாம்.
விஞ்ஞானிகள் வானொலித் தொலைகாட்டிகளைப் பயன்படுத்தியும் ஏனைய நவீன தொலைகாட்டிகளைப் பயன்படுத்தியும் வேற்றுக்கிரக மனிதர்கள் தொடர்பான சமிக்ஞைகள் தென்படுகின்றனவாவென அறிவதில் ஆர்வம் காட்டுகின்றனர். வேற்றுக்கிரக மனிதர்களிடையே தொடர்பாடல் காணப்பட்டால் நவீன தொழில் நுட்பத்தால் அவற்றை மனிதர்களால் கேட்கக் கூடியதாகச் செய்ய முடியும்.
ஆனால் அவர்கள் புவியிலுள்ளோரைவிட, தொழில் நுட்ப ரீதியாகவும் அறிவு ரீதியாகவும் மிகவும் முன்னேற்றமடைந்தவர்களாகக் கருதப்படுவதால் தம்மைப்பற்றிய தகவல்களைப் பிறர் அறிய முடியாத வகையிலான தொழில் நுட்பங்களைப் பாவிப்பவர்களாகக் கூட இருக்கலாமெனவும் தெரிவிக்கப்படுகிறது.
விஞ்ஞானிகள் புவியிலிருந்து சமிக்ஞைகளை அனுப்பி ஏதாவது பதில் கிடைக்கிறதாவென எதிர்பார்த்தவண்ணம் உள்ளன. ஆனால் வேற்றகிரகவாசிகள் எமது சமிக்ஞைகளைத் தமது தொழில் நுட்பம் மூலம் தவிர்க்கவும் முயலலாமெனத் தெரிவிக்கப்படுகிறது.
சாதாரண மனிதரால் ஒளியின் வேகத்தில் பயணிக்க முடியாது. ஆனால் வேற்றுக்கிரக மனிதர்களால் அவ்வாறு பயணிக்க முடியுமெனவும், அந்நிலையில் ஒரு சூரியத் தொகுதியிலிருந்து இன்னொரு சூரியத் தொகுதிக்கு ஒருசில மணித்தியாலங்களுக்குள்ளேயே அவர்களால் பயணிக்க முடியுமெனவும் ஊகங்கள் தெரிவிக்கப்படுகின்றன.
ஆனால் அந்த வேகத்தில் பொருளொன்று பயணிக்குமாயின் வளியுடன் ஏற்படும் உராய்வு காரணமாக அப்பொருள் தீப்பற்றுமென விஞ்ஞானிகள் தெரிவிக்கின்றனர்.
இலங்கையைப் பொறுத்தவரையிலும் இத்தகைய அடையாளங் காணப்படாத பறக்கும் பொருட்கள் பல இடங்களில் அவதானிக்கப்பட்டுள்ளன. 2006 ஆம் ஆண்டு காலியில் இரண்டடி உயரமான விசித்திர மனிதர்கள் தென்பட்டனரெனவும், அவர்களை அணுக முற்பட்ட பொதுமக்கள், அம் மனிதர்களிலிருந்து இருபது மீற்றர் தொலைவிலேயே மயங்கி விழுந்ததாகவும் தெரிவிக்கப்படுகிறது.
2002 ஆம்ஆண்டு நீல ஒளியை வெளியிடுகின்ற விசித்திரமான பொருளொன்று திம்புலாகலையில் தரையிறங்கியமை தொடர்பான தகவல்கள் நாம் யாவரும் அறிந்ததே.
1998 இல், பண்டாரவளையிலுள்ள பாடசாலையொன்றின் விளையாட்டு மைதானத்தில் வித்தியாசமான சத்தமொன்று கேட்டதாகவும் அதனைத் தொடர்ந்து தட்டுவடிவமான பொருளொன்றைக் கால்களுடன் கண்டதாகவும், அப்பொருள் சிவப்பு, மஞ்சள் நிற ஒளியை வீசியபடி மிகவும் வேகமாக வானில் பறந்து மறைந்ததாகவும் ஆண்டு மூன்றில் கல்விபயிலும் சிறுவனொருவன் விபரித்திருந்தான்.
பறக்கும் தட்டுக்களைப் பற்றி முன்னெப்பொழுதும் கேள்விப்பட்டிராத அச்சிறுவனின் கூற்றை எவராலும் மறுக்க முடியவில்லை. அதைத் தொடர்ந்து வயதில் பெரிய இன்னொரு சிறுவனிடமும், வேறு சிலரிடமும் விசாரித்த பொழுது பெறப்பட்ட தகவல்கள் ஏற்கனவே பெறப்பட்ட தகவல்களைப் போலவே இருந்தன.
அத்துடன் அத்தட்டு எட்டடி விட்டத்தையும் ஏழடி உயரத்தையும் உடையதென விபரிக்கப்பட்டது. பாடசாலையின் அதிபர், அவ்விசித்திரப் பொருளினால் நிலத்திலேற்பட்ட அடையாளங்களைப் புகைப்படமெடுத்திருந்தார். அத்துடன் அப் பிரதேசத்திற்குரியதல்லாத ஒருவகை வெள்ளை நிறப்பூச்சிகளும் இறந்து காணப்பட்டன.
1990 இல் தட்டுவடிவமான அடையாளம் காணப்படாத பொருளொன்று சமுத்திரத்திலிருந்து கிளம்பி வானை நோக்கிச் சென்றதாகவும், தமது கப்பலை ஏறத்தாழ 15 நிமிடங்கள் நிலைகுலையச் செய்திருந்ததாகவும் மாலுமியொருவர் தெரிவித்தார்.
இந்து சமுத்திரத்தில் மாத்தறையின் தென்பகுதியிலிருந்து 210 மைல் தொலைவிலேயே இச்சம்பவம் நிகழ்ந்தது. அப்பொருள் சமுத்திரத்திலிருந்து எழும்பியதாலேற்பட்ட பாரிய அலைகள் கப்பலின் புறக்கட்டமைப்பில் சேதத்தை ஏற்படுத்தியதாகவும் அவர் தெரிவித்தார். அத்துடன் அப்பொருள் கப்பலை விட ஐந்து மடங்கு பெரிதாக விருந்ததாகவும் வெள்ளி நிறமாக ஒளிவீசியதாகவும் அவர் கூறினார்.
கப்பலிலிருந்த உபகரணங்களும் திசை காட்டியும் பலதடவைகள் சுழன்றதாகவும் வானொலியைப் பயன்படுத்தி உதவி கோர முடியாமல் இருந்ததாகவும் 15 நிமிடங்களின் பின்னர் அப்பொருள் மாயமாக மறைந்து நிலைமை அமைதிக்குத் திரும்பியதாகவும் அவர் தெரிவித்தார்.
கடற்கரை அதிகாரசபை இப்பொருள் தொடர்பான ஆதாரங்களைச் சேர்ப்பதற்குப் பல வாரங்கள் முயன்ற போதிலும் எந்தவித ஆதாரங்களும் கிடைக்கவில்லை. இது அடையாளம் காணப்படாத பொருட்கள் தொடர்பான உத்தியோகபூர்வ அவதானமாகக் கருதப்பட்ட போதிலும் அதற்கான விளக்கங்களெவையும் வழங்கப்படவில்லை.
விண்வெளி ஆய்வுமையமாகிய நாசா இத்தகைய தட்டுக்கள் போன்ற பொருட்கள் இயற்கையின் தோற்றப்பாடுகளேயன்றி வேறல்ல என்று கூறுகிறது. எம்மைவிட்டு நீங்கிய விஞ்ஞானப் புனைகதை எழுத்தாளர்களின் முன்னோடியாகிய இலங்கையில் வாழ்ந்த விஞ்ஞானி ஆதர் சி. கிளார்க்கிடம் இத்தகைய பொருட்களைப் பற்றி வினவுகையில், அவர் பின்வருமாறு குறிப்பிட்டார்.
“காலநிலை மற்றும் ஒளி தொடர்பான சில நிபந்தனைகளின் கீழ் செவ்வாய், சந்திரன் போன்ற கோள்கள் இத்தகைய அடையாளம் காணப்படாத பறக்கும் பொருட்களாகத் தென்படலாம். நாசா விஞ்ஞானிகள் இத்தகைய எந்தவொரு நிகழ்வையும் வானில் அவதானிக்கவில்லை.
எமது புவியின் வானியல் எல்லைக்குள் வரும் எந்தவொரு புதிய பொருளையும் 5 நிமிடங்களுக்குள் இனங்காணக் கூடிய வகையில் நவீன தொழில்நுட்பம் வளர்ந்துள்ளது. ஒரு மாலை வேளையில் காலிமுகத்திடலுக்குச் சென்று வான்பரப்பை அவதானித்தால் பல விதமான பொருட்களை, பல்வேறு வண்ணங்களில் அவதானிக்க முடியும்”
எமது நவீன தொழில் நுட்பங்களால் கண்டுபிடிக்க முடியாத வகையில் அவதானிக்கப்படும் இத்தகைய பொருட்களைப் பற்றி ஆழ்ந்து சிந்திக்கையில் தொழில்நுட்பத்தில் மனிதனைவிடப் பலமடங்கு முன்னேறியவர்கள். வேற்றுக்கிரகங்களில் இருப்பார்களோ என்றே எண்ணத்தோன்றுகிறது. விஞ்ஞானிகளைப் பொறுத்தவரையில் இது யதார்த்தத்திற்கு அப்பாற்பட்ட விடயமாகவே காணப்படுகிறது.
அவ் வேற்றுக் கிரகவாசிகளுடன் ஒப்பிடுகையில் மனிதனைப் பாலர் பாடசாலைக்குச் செல்லும் சிறுவனாகவே கருதுமுடியும். விஞ்ஞான யுகம், இலத்திரனியல் யுகம், நனோ யுகமென முன்னேறி வரும் மனிதனைப் பொறுத்தவரையில் அவனது அறிவுக்கு அப்பாற்பட்ட விந்தைகளென்றே இவற்றைக் கருத முடியும்.